དེ་རིང་སྟོན་རླུང་ལྡང་བས། 

ད་གཟོད་དབྱར་དུས་ལ་རྫོགས་ཚིག་བཀོད་ཡོད་པ་ཚོར། 

དུས་བཞི་ནི་ཅི་འདྲའི་འགྱུར་སླ་ལ།

ཅི་འདྲའི་དགོད་བྲོ་བ། 

ང་རང་གི་དབྱར་དུས་ཀྱི་ལྗོངས་རྒྱུ་རྫོགས་མེད་ལ། 

ངས་ད་དུང་དབྱར་དུས་ཀྱི་མེ་ཏོག་བཏུས་མེད། 

ཁྱོད་ཕེབས་པ་བདེན་ན་ངས་ད་ལོ་དབྱར་མ་མཐོང་ཞེས་བརྗོད་ཆོག      

ཨ་ལ་ཀུ་རེ་ཡིན། 

ཁུ་བྱུག་ཐོས་པས་དབྱར་དུས་ཡིན་པ་ཤེས་ཡོད། 

ཡིན་ནའང་ཁུ་བྱུག་ནམ་ཙམ་ཕྱིར་ཕེབས་སོང་། 

ཡ་མཚན་པའི་ལོ་ཟླ། 

འདི་ལོར་ང་ནི་བྲེལ་ཟིང་གིས་མི་ཚེ་ཟད་པས།     

དབྱར་གཞུང་དང་མཉམ་དུ་མེ་ཏོག་གི་ཞིང་ཁམས་མ་མཐོང་།

ཁུ་བྱུག་དང་མཉམ་དུ་སྦྲང་ཆར་གྱི་རེག་བྱ་མ་མྱོང་།