བཙན་པོའི་ཕོ་ཉ། 2017-07-10
ཁྱེད་ཀྱི་གློ་བུར་བའི་མིག་ཟུང་དེས།
ས་འཛིན་གྱི་སྒལ་ཚིཊ་ལ་མིག་གིས་འཚོས་དང་།
བདག་གིས་ཡུན་རིང་ཞིག་ནས་བསྒོམ་པའི་དབྱངས་ཅན།
རྣམ་དཔྱོད་སྒེར་བདག་ཏུ་བཟུང་ཉིན་ནས།
བདག་གི་པྲ་ཚཊ་ཀྱི་ལང་ཚོའི་ཁྲོད།
སྙན་ངག་གི་བག་མ་ཡེ་ནས་ལེན་མི་ཐུབ་པས།
འདོད་སེམས་ཀྱིས་བརླན་པའི་ཁང་ཁྱིམ་གྱི་མདོ་སྦུག་ན།
བདག་གཅིག་བུ་ཁེར་རྐྱང་དུ་འཚོ་དགོས་བྱུང་།
མ་གཞི། གོ་ལ་ཇེ་ཆུང་དུ་འགྲོ་བཞིན་པའི་དེ་རིང་།
སྙན་ངག་གཅིག་བུ་མི་སེམས་ཀྱི་ཟབ་ས་ན་
འཁྱིལ་བའི་དྲོད་ཁོལ་དེ་མིན་ཞིང་།
སྙན་ངག་ཁོ་ན་དུང་སེམས་ཀྱི་མདའ་མོ་
འཕེན་པའི་བརྩེ་བ་ཉག་ཅིག་དེ་མིན་རུང་།
ཡུན་རིང་ཞིག་ལ་ཁོག་ཏུ་མེ་ལྕེ་བཞིན་འབར་
བའི་བདག་གི་བརྩེ་བ་རུམ་གང་།
ཁྱེད་མེད་ན་ཐ་སྙད་ཚིག་གི་ཕྲེང་བར་བསྟར་ཐབས་མི་འདུག
སྙན་ངག་གི་མེ་ཏོག་ཆུན་པོ་ཡཱ།
ང་ནི་དུས་རྟག་ཏུ་ཁྱོད་ཁོ་ན་སྒུག་བཞིན་ཡོད།
ལྗང་མདོག་གི་རྨི་ལམ་སྦྲུམ་པའི་ཚེ་སྲོག་དང་།
ངུ་མ་དགོད་ཀྱི་རྣམ་ཐར་སྐྱོང་བའི་དབྱངས་
རྟ་དེ་ཁྱོད་ཡིན་ནམ།
ཁ་ཐག་རིང་བའི་རེ་སྒུག་གི་ལོ་ཟླ་ཞིག་ཁྱེད་ལས་འགོ་བརྩམ་དུས།
བདག་གིས་འཚོལ་བཞིན་པའི་ཚེ་སྲོག་གི་ལྗང་མདོག་དང་།
མཛེས་སྡུག་ངོ་མ་དེ་གང་དུ་སྦས་ཡོད།
རྩོམ་གསར། 10