དབུ་འཇིགས་མེད། 2020-05-08
ལྷ་ལམ་མཁའ་ནས་འོད་སྟོང་འཕྲོ་བའི།།
དབྱིག་གི་བློ་གྲོས་གཟི་འོད་མངོན་ཡོད།།
བྱ་ཁྱུ་སྐོར་ཞིག་གཙང་བོ་བསྙེགས་ནས།།
སྨུག་པོ་འབྲོག་པའི་ཐང་ཆེན་མཐོང་བྱུང་།།
འབྲོག་པའི་བུ་མོའི་འཛུམ་མདངས་མངོན་ནས།།
སྐྱེས་པས་རྒྱལ་བོ་དེ་ལ་ཆགས་སོང་།།
ཞེན་ཆགས་སྙིང་གི་དབུས་སུ་བསྒོམས་ནས།།
འཁོར་བའི་གནས་སུ་ད་དུང་སྒུག་ཡོད།
འཆི་མེད་ལམ་ནས་ལྷ་ཞིག་མཐོང་ན།།
ལས་སྐལ་དམར་པོ་ཞུས་ན་འདོད་བྱུང་།།
འཁོར་བའི་ཐང་ནས་ལྷ་མོ་མཇལ་ནས།།
དུང་སེམས་གཙང་མ་ཕུལ་ན་འདོད་བྱུང་།།
ཐང་སྨུག་གུར་ཁྱིམ་ནང་ན་གཡང་ཊི།།
གུར་ཁྱིམ་དཀར་པོའི་བདག་མོ་ཡིན་སོང་།།
བརྩེ་བ་གཙང་ཆུ་སྔོན་མོ་བཞུར་འདྲ།།
དུང་བ་གངས་དཀར་བཞིན་དུ་བརྟན་ཡོད།།
ཁ་བའི་མེ་ཏོག་ཅིག་སེམས་ན་བཞད།།
དུང་སེམས་གཙང་མ་ཞིག་ཁྱོད་ལ་ཕུལ།།
དྲན་པ་དམར་པོ་ཞིག་སེམས་ལ་བཟུང།།
ན་ཟུག་མང་པོ་ཞིག་སེམས་ནད་རེད།།
དྲན་པ་འདི་རླུང་བུ་ཞིག་ཡིན་ན།།
སེམས་པ་འདི་གཙང་བོ་ཞིག་ཡིན་འགྲོ།
གཙང་བོ་འདི་སེམས་པ་ལ་འདྲེས་ན།།
བརྩེ་བ་གཙང་མ་ཞིག་ཆུ་ལྟར་བཞུར།།
རྩོམ་གསར། 10