རྣམ་རྭ་ས་རྟ། 2019-10-03
གོང་གི་སྲིད་ཇུས་བཟང་པོའི་དྲིན། །
གངས་ལྗོངས་དཔལ་ཡོན་རབ་ཏུ་བཞད། །
ཞིང་བྲོག་འཚོ་བ་ལེགས་པོ་ལས། །
དགའ་སྤྲོ་བདེ་བའི་སྐྱིད་གླུ་ལེན། །
ས་གཞི་ཡངས་པའི་འདབས་རོལ་ན། །
སྔོ་ལྗང་ཅན་གྱི་བོད་ལྗོངས་མཛེས། །
བྱ་དང་རི་དྭགས་སྲོག་ཆགས་རྣམས། །
རང་དབང་འདྲ་མཉམ་སྐྱིད་གླུ་ལེན། །
རྨོངས་མུན་སེལ་བའི་སློབ་གྲྭ་རུ། །
བྱིས་གཞོན་རིག་པའི་བཅུད་ཀྱིས་བཟི། །
དར་མ་ལང་ཚོ་རབ་བཞད་སྟེང་། །
ཕུགས་འདུན་གྲུབ་པའི་སྐྱིད་གླུ་ལེན། །
ཁང་བཟང་གྲུ་བཞི་ནོར་གྱི་མཛོད། །
ཞིང་ཆུང་གྲུ་བཞི་འབྲུ་ཡི་མཛོད། །
སློབ་གླིང་གྲུ་བཞི་ཤེས་ཀྱི་མཛོད། །
མཛོད་གསུམ་འཛོམས་པའི་སྐྱིད་གླུ་ལེན། །
བར་ལ་གནམ་གྲུ་འཕུར་སྒྲ་ཆེ། །
ས་གཞིའི་རླངས་འཁོར་འུར་སྒྲ་ཚ། །
ལྕགས་ལམ་མེ་འཁོར་དུང་སྒྲ་ཆེ། །
འགྲུལ་པ་དགའ་བའི་སྐྱིད་གླུ་ལེན། །
འཕྲུལ་རྟའི་ལས་དབང་བྱ་ལས་མགྱོགས། །
འཕྲིན་བརྡའི་ལས་དབང་སེམས་ལས་མྱུར། །
ཕྱི་ནང་རྒྱན་གསུམ་ལྷ་ལས་མཚར། །
གང་འདོད་འཛོམས་པའི་སྐྱིད་གླུ་ལེན། །
འཇམ་པས་མ་འཚིམ་ཡང་ལྗིད་བལྟ། །
བཅུད་ཀྱིས་མ་འགྲིག་ཞིམ་མངར་དབྱེ། །
སྙན་པས་མ་འདོད་མཛེས་ལ་གཟིགས། །
ལོངས་སྤྱོད་རོལ་བའི་སྐྱིད་གླུ་ལེན། །
ཁང་བཟང་གྲུ་བཞི་སྡོད་སའི་རྒྱན། །
སྒོ་གསུམ་ནད་མེད་བདེ་བའི་རྒྱན། །
གང་བསམ་གྲུབ་པ་དེང་གི་རྒྱན། །
བདེ་ཞིང་སྐྱིད་པའི་གླུ་དབྱངས་ལེན།
རྩོམ་གསར། 10