མི་ཚེ་དཔྱིད་དཔལ་གྱི་སྡོང་ལོ།།

བྱི་རུའི་ནགས་ཚལ་དུ་འཐོར་བྱུང་།།

ཡིད་དབང་མཛེས་སྡུག་གི་རི་མོ།།

དྭངས་གཙང་ཆུ་མིག་ལས་གདོལ་བྱུང་།།

རོལ་དབྱངས་ཁེར་འབུད་ཀྱི་དབྱངས་དེས།།

སེམས་སུ་སྐྱོ་དུབ་རང་བསལ་མོད།།

དྲན་པའི་སྙིང་དབུས་ཀྱི་ཕུགས་ན།།

གཡུ་ཡི་སྦྲང་མ་ཁྱེད་མི་འདུག།

འཚོ་བ་མག་མོག་གི་དབྱངས་དེ།།

སྐྱོ་སྣང་དྲན་གདུང་གིས་བསྒུལ་བྱུང་།།

ཚོར་སྣང་དྭངས་མ་ཡི་རང་གཤིས།།

སྨྱུག་གུའི་སྟོབས་ཤུགས་ལ་བསྒྱུས་འགྲོ།།

གསེར་མདོག་ཉི་ཟེར་གྱི་འོད་ལས།།

མུན་པའི་སྒྲིབ་པ་དེ་བསལ་ནས།།

མཐོང་སྨུག་སྦྲ་ནག་གི་ཕྱོགས་སུ།།

གོམ་པ་སྤོ་འདོད་ཀྱིས་བྲེལ་ཡོད།།

ཁྲོམ་ནག་གཙང་བོ་དེ་བརྒལ་བའི།།

དབྱངས་ཀྱི་ཟམ་པ་ཞིག་བཙུགས་ཡོད།།

སེམས་སུ་འཆར་སྣང་གི་སྒུལ་ཤུགས།།

ཚིག་གསུམ་ཐ་སྙད་ལས་བསྲིངས་ཡོད།།