2019-08-02
སྔོན་མ།
ཁྱེད་ང་རེད།
ང་ཡང་ཁྱེད་རེད།
ང་དང་ཁྱེད་ལ་ཐ་སྙད་ཀྱི་དབྱེ་བ་ལས།
དྲང་བདེན་གྱི་སེམས་པར་དབྱེ་བ་མེད།
མཛའ་མཐུན་གྱི་འདུ་ཤེས་ལ་དབྱེ་བ་མེད།
སྤྲོ་སྣང་གི་སེམས་པར་དབྱེ་བ་མེད།
སྔོན་མའི་ང་ཚོ།
དབུལ་ཞིང་ཕོངས་རུང་།
མི་དང་མི་ཡི་འཚོ་བ་རེད།
དེང་དུས།
ཁྱོད་ནི་ཁྱོད།
ང་ནི་ང་ཡིན།
ང་དང་ཁྱོད་ལ་དངོས་པོ་ཡི་འབྲེལ་བ་ལས།
དྲང་བདེན་གྱི་སེམས་པ་འདོད་པས་བསླུས།
མཛའ་མཐུན་གྱི་འདུ་ཤེས་ཞེ་སྡང་གིས་བཅོམ།
སྤྲོ་སྣང་གི་སེམས་པ་དོགས་པས་ཕུང་།
དེང་དུས་ང་ཚོ།
ལོངས་སྤྱོད་འཛོམས་ཀྱང་།
དངུལ་དང་མིང་གི་འཚོ་བ་རེད།
ལྷོ་སྨོན།
རྩོམ་གསར། 10