སྔོན་ཆད་ཀྱི་ལས་དབང་།

ད་ལྟའི་ལས་དབང་།

མ་འོངས་ཀྱི་ལས་དབང་།

ལས་དབང་ཡ། ལས་དབང་།

སྔོན་ཆད་ཀྱི་ལས་དབང་ནི་འདས་ཟིན།

སྔོན་ཆད་ཀྱི་ལས་དབང་ནི།

དགའ་སེམས་ཀྱི་འདོད་པའི་ལས་ཤིག་ཡོད་ཀྱང་ཚར་སོང་ལ།

འགྱོད་གདུང་གི་རྦབ་ཆུ་ལྟ་བུར་བསྒྲིལ་ཡང་ཚར་སོང་།

དགའ་སྐྱིད་གང་ཞིག་ཡོད་ཀྱང་ཚར་སོང་།

ད་ལྟ་ཡི་ལས་དབང་།

སྦྱོང་བཞིན་པའི་ཤེས་བྱ།

ད་ལྟ་ཡི་ལས་དབང་།

བྱེད་བཞིན་པའི་འབད་པ།

ད་ལྟ་ཡི་ལས་དབང་།

འགྱོད་མེད་ཀྱི་ལམ་བུ།

མ་འོངས་པའི་ཁ་ཕྱོགས་ཀྱི་ལས་དབང་།

སྔོན་ཆད་ནི་འདས་ཟིན།

ད་ལྟ་དང་མ་འོངས་ནི་མཐུན་དགོས།

ད་ལྟ་དང་མ་འོངས་ནི་བརྩོན་དགོས།

ད་ལྟ་དང་མ་འོངས་ནི་འབད་དགོས།

ལས་དབང་ཡ། ལས་དབང་།

འདི་ནི། བརྗོད་མེད་ཤེས་པའི་བརྩེ་བ།

འདི་ནི། གཏིང་ཟབ་པའི་བྱ་དངོས།

འདི་ནི། ཞིབ་ཕྲ་བའི་སྣང་བ།

ལས་དབང་ཡ། ལས་དབང་།

དུས་ཚོད་ཀྱི་ལས་དབང་།

སྐྱིད་སྡུག་གི་ལས་དབང་།

བཀོས་པའི་ལས་དབང་།

མི་རྟག་པའི་ལས་དབང་།

འགྱོད་མེད་ཀྱི་ལམ་བུ་ཞིག་བཙལ་ནས་སོང་ན།

དུས་ཚོད་སྔ་ཕྱི་བར་ལ་སྐྲག་མི་དགོས།

འཇིག་མི་དགོས།

ལས་དབང་ཀུན་ལ་བློ་རྩེ་བརྟན་པོ་གནང་ན།

མི་རྟག་ལས་དབང་ལ་ཡང་སྐྲག་མི་དགོས། 

བར་དོའི་རྣམ་ཤེས་ཀྱི་ལས་དབང་ལའང་འཇིག་མི་དགོས།

ལས་དབང་ཡ། ལས་དབང་།

ནམ་ཀུན་གྱི་ལས་དབང་།

ལས་དབང་ཡག་པོ་ཞིག་འཛིན་དགོས་པ་ནི།

འགྱོད་མེད་ཀྱི་ལས་དབང་ཞིག་ཡིན་ལ།

འཇིག་སྐྲག་མེད་པའི་ལས་དབང་ཞིག་ཀྱང་ཡིན་སྲིད།