ཁ་བའི་མཛེས་སྡུག་གིས་འཛུམ་པའི་སེམས་ཀྱི་མལ་ཤག

བསིལ་རླུང་ཡང་མོས་རེག་པའི་ཚོར་དབྱངས་སྙན་མོ།

རྩི་བཅུད་དྲི་ངད་ཀྱིས་བཟི་བའི་གསེར་སྦྲང་ཆ་གཅིག

ལོ་ལེགས་ཀྱིས་ཕྱུག་པའི་རྨི་ལམ་གྱི་ནས་འབྲུ་སྔོན་མོ།

དུས་བཞིའི་འཇམ་ཤ་བརླན་པའི་སེམས་ཀྱི་འཁྲི་ཤིང་།

དམ་ཚིག་གི་མེ་ལོང་འཆར་བའི་གཡའ་དག་པའི་ནམ་མཁའ།

དགུ་ཚིགས་ཀྱི་གཙང་བོས་སྦྲེལ་བའི་དྲན་པའི་ནང་མ།

ཤ་རུས་པའི་གསེང་ན་ཟུག་པའི་འདང་བརྩེ་ཡི་འོ་དྲི།

གཟུགས་མེད་ཀྱི་དར་ཐག་འཐེན་པའི་ཡ་ཆུང་གི་སེམས་པ།

རྣམ་རྟོག་གི་སྐྲ་ལོ་དཔྱངས་བའི་དུས་མཐའི་གཞིས་ཀ།

གསེར་གྱི་དུང་སྐྱོགས་ཀྱིས་བཅུས་པའི་འོ་མའི་མཚེའུ།

ཟུར་མདའི་མིག་ཟུང་སིམ་པའི་འདང་གི་ཟིལ་བ།

ཞེ་གཏིང་གི་འོ་སྤྲིར་རོལ་བའི་སེམས་ཀྱི་ཨམ་འབྱོག

གཉུག་གཤིས་ཀྱི་སྤོས་དྲི་སྣོན་པའི་འོད་ཀྱི་ཞེ་གླུ།

ཞེན་ཆགས་ཀྱི་མར་ལོར་མྱོང་བའི་གྲིབ་གཟུགས་སེར་པོ།

གྲེ་ངག་གི་གདུང་དབྱངས་འབོད་པའི་རུས་རྐང་གླིང་བུ།

ཡི་གའི་སྣང་བ་འཕྱོ་བའི་ཕ་སའི་དུར་སྒྲོམ།