གངས་ཟེགས། 2021-03-08
འཇིག་རྟེན་ཁམས་ན་མཛེས་པ་གྲངས་ལས་འདས།།
དཔེར་ན་རི་དང་ནགས་དང་གཙང་བོ་དང་།།
མེ་ཏོག་དག་དང་ཡིད་འོང་རྩྭ་ཐང་དང་།།
གྲོང་ཁྱེར་གློག་དང་ཉི་ཟླའི་འཆར་ནུབ་དང་།།
མཚམས་སྤྲིན་འཁྲིགས་དང་འཇའ་འོད་གུར་ཁང་སོཊ།།
བརྗོད་ཀྱིས་མི་ལང་མཛེས་པ་མང་མོད་ཀྱང་།།
གལ་ཏེ་འཇིག་རྟེན་བུད་མེད་མེད་གྱུར་ན།།
དེ་དག་ཁོ་ན་སུ་ཡིས་ལོངས་སུ་སྤྱོད།།
དེའི་ཕྱིར་མཛེས་པ་ཀུན་གྱི་རྩེར་སོན་པ།།
སེམས་སུ་མཛེས་པའི་བུད་མེད་འདི་ཚོ་སྟེ།།
བུད་མེད་མེད་ན་འཇིག་རྟེན་སྐྱ་བོ་རེད།།
སྐྱབས་ཀྱི་ཆ་ནས་འཕགས་མ་སྒྲོལ་མ་སོགས།།
དྲིན་གྱི་ཆ་ནས་ཨ་མ་སྲིང་མོ་སོགས།།
དགའ་མགུའི་ཆ་ནས་ཆུང་མ་དགའ་རོཊ་སོགས།།
མདོར་ན་འཇིག་རྟེན་ཁམས་སུ་དྲིན་གྱི་ཕྱེད།།
བུད་མེད་ཡིན་པ་ཀུན་གྱིས་ཤེས་པར་བྱོས།།
དེའི་ཕྱིར་བུད་མེད་གནམ་གྱི་ཕྱེད་ཀ་འོ།།
རྩོམ་གསར། 10