སྒྲོལ་མ་སྐྱབས། 2021-01-08
༡
ར་སྐོར་ཆུང་ཆུང་འདི་ནས།།
ཀུ་ཤུ་དམར་བོ་བཏོགས་ཏེ།།
ཉི་འོག་ཁ་བརྡ་བྱེད་ས།།
བར་སྐབས་ཤིག་གི་ཁྱིམ་རེད།།
ཆང་དཀར་བཙན་པོ་བཏུང་ནས།།
པེ་ཅིང་སྟབས་ཐུག་ཟོས་ནས།།
སྤུས་ཀ་དམན་པའི་འཚོ་བ།།
ཁོ་རང་བརྗེད་འདྲ་སོང་ན།།
རེས་གཟའ་ཉི་མ་སླེབས་དུས།།
སེམས་པ་ཧ་ཅང་ཁོམ་ཐལ།།
རྒོངས་ཀར་སྲང་ལ་ཉུལ་ན།།
མོ་ཡག་ཏག་ཏག་མཐོང་དཔེ།།
སྲང་ལམ་ཆར་གདུགས་དམར་བོ།།
གློ་བུར་རླུང་གིས་དེད་ལྟར།།
སོ་སོ་བསྐྱུར་ནས་འགྲོ་བ།།
གཏན་དུ་བྲལ་བ་ཡིན་ན།།
འདི་ལྟར་རྒས་ཏེ་འགྲོ་བ།།
ཁ་པར་ནང་གི་ཉི་ནུབ།།
མགོ་བོ་བཏུམས་ནས་བལྟས་ན།།
ཡན་ནས་མིག་ལ་འཛར་བྱུང་།།
༢
ཕོ་བྲང་དཀར་པོ་རེད་མོད།།
ཉི་མ་ཤར་བས་དམར་སོང་།།
བལྟས་ན་དམར་བའི་བཙུན་པ།།
མདོག་ཏུ་ལྟ་མཁན་གཅིག་མེད།།
ལྷ་སའི་བུད་མེད་བཟི་བོའི།།
སྙིང་དང་བཅས་པ་རློན་འདུག།
ལས་དབང་དྲང་མོ་རེད་ཟེར།།
བར་སྐོར་དྲང་མོ་མ་རེད།།
ཁོག་ན་སེམས་མེད་སྙམ་ནས།།
ཇོ་བོ་ལན་གཅིག་བརྗེད་སོང་།།
རྩོམ་གསར། 10