དཀར་ཡག་བཀྲ་ཤིས། 2020-05-25
ཕ་ཡུལ་གྱི་རླུང་བུ།
འཁྱགས་སིབ་སིབ་ཏུ་སྣང་།
སྟོན་མཇུག་གི་ཁ་བ་ཐོག་མ།
ཕ་ཡུལ་གྱི་རི་ལུང་ཀུན་ལ་འཐོར།
འཁྱགས་སིབ་སིབ་ངང་འཐོར།
ཁ་བས་གཡོགས་པའི་ཕ་ཡུལ།
མཐའ་ཡས་པའི་ཉིན་མཚན།
ཅི་འདྲ་རིང་བ་ལ།
འཁྱགས་སིབ་སིབ་ངང་རིང་བ་ལ།
ཉི་མ་མེད་པའི་ཕ་ཡུལ་གྱི་རི་རབ།
ནང་སེམས་ཀྱི་གཞས་ཆུང་ལ།
འཁྱགས་སིབ་སིབ་ངང་།
ཁ་བ་བབས་སོང་།
ཁ་བའི་འདབ་མ་རེ་རེ།
སྙིང་ཉེ་བའི་ནང་མི་དག་གི་
ཞལ་རས་ཡིན་ངེས།
ཞལ་རས་ཡིད་ལ་འཁོར་འོང་།
ཕ་མ་སེམས་ནས་དྲན་འོང་།
ཟླ་བ་མེད་པའི་ཕ་ཡུལ་གྱི་མཚན་ནམ་རིང་མོ།
འཁྱགས་སིབ་སིབ་ངང་།
རྨི་ལམ་དུ་འགྲམ་དར་ཆགས་སོང་།
རྨི་ལམ་དུ་ཁ་བ་བབས་སོང་།
ནང་སེམས་ཁ་བ་ལས་དཀར་བའི།
ནང་མི་དག་རྨི་ལམ་དུ་འཁོར་འོང་།
རྩོམ་གསར། 10