བྲག་མགོ་རྫོང་གིས་སྣེ་ཁྲིད་ཁེ་ལས་གསོ་སྐྱོང་སྟབས་གཏོང་བར་དམ་འཛིན་དོ་ནན་བྱས།

ཡེ་ཤེས་ཀྱིས་བསྒྱུར།        2020-05-22

ད་ལོ་ནི་དབུལ་ཐར་འགག་སྒྲོལ་གྱི་གནད་འགག་གི་ལོ་དང་མཇུག་བསྡུ་བའི་ལོ་ཡིན་ཞིང་། བྲག་མགོ་རྫོང་གངས་ལྗོངས་འོ་སེ་སྤྱི་གཉེར་ཁང་གིས་བོད་ཁུལ་གྱི་དབུལ་ཐར་མི་འདང་བའི་དཀའ་གནད་ལ་རྩ་འགངས་བྱས་ནས། ཁྱད་ལྡན་ཐོན་རྫས་དང་མི་རིགས་སྤུས་རྟགས་མཉམ་འདྲེས་གསོ་སྐྱོང་བྱས་པའི་དབུལ་སྐྱོར་གནད་སྨིན་གྱི་ལས་དོན་རྣམ་པ་འཛུགས་སྐྱོང་བྱས་མཐར། འོ་སེ་ཇ་ཐོན་ལས་ཀྱི་ནང་རྐྱེན་དང་ལག་རྩལ། ཐོན་ལས་སྒྲིག་གཞི་བཅས་གསར་གཏོད་བྱེད་པར་ཕྱོགས་ཡོངས་ནས་སྐུལ་འདེད་གཏོང་བར་བརྟེན།  སྣེ་ཁྲིད་ཁེ་ལས་ཀྱི་ཕན་ནུས་ལ་བརྟེན་ནས་ཐོན་ལས་འཕེལ་རྒྱས་ལ་སྐུལ་ཁྲིད་བྱས་པ་རེད། 

  བྲག་མགོ་ས་གནས་ཀྱི་འོ་སེ་སྡོང་ལོ་ལེགས་འདེམས་བྱས་རྗེས་སྦང་ནས་འཐུང་ན་ཚ་བ་དྭངས་བ་དང“མཐོ་གསུམ”ཆག་པ་སོགས་ཀྱི་ནུས་པ་ཡོད་པས་ལྷད་མེད་ཀྱི་བོད་ཇའི་གྲས་སུ་གཏོགས་པ་རེད། ཉེ་བའི་ལོ་འདི་ཤས་རིང་ལ། བྲག་མགོ་རྫོང་གིས་འོ་སེ་ལོ་མའི་ཚོང་ལས་གོ་སྐབས་ལ་གདེང་ཚོད་ཐིག་པོ་བྱས་ནས་སྲིད་གཞུང་གིས་སྣེ་ཁྲིད་དེ་གངས་ལྗོངས་འོ་སེ་སྤྱི་གཉེར་ཁང་འཛུགས་གཉེར་བྱ་རྒྱུར་སྐུལ་འདེད་བཏང་མཐར།  ཆེད་དུ་འོ་སེ་ཇ་ཞིབ་འཇུག་གསར་བཟོ་དང་གསར་སྤེལ་བྱས་པར་མ་ཟད། མང་ཚོགས་དབུལ་པོ་ཐུན་མོང་དུ་དབུལ་བྲལ་ཕྱུག་འགྱུར་ཡོང་བར་སྣེ་ཁྲིད་བྱས་པ་རེད། 

 ཤེས་རྟོགས་བྱུང་བར་གཞིགས་ན། བྲག་མགོ་རྫོང་གངས་ལྗོངས་འོ་སེ་སྤྱི་གཉེར་ཁང་གིས་དུད་ཚང་དབུལ་པོ་སྣེ་ཁྲིད་དེ་དབུལ་ཐར་ཐུབ་རྒྱུའི་རྩ་དོན་ལ་གཞིགས་ནས་ས་གནས་དེ་ག་ལ་རིམས་ནད་ཀྱི་རྐྱེན་པས་གནས་སྐབས་ཡོང་འབབ་ཡོང་ཁུངས་མེད་པའི་མང་ཚོགས་ལ་རོགས་སྐྱོར་བྱས་ཤིང་། ཇ་ལོ་འཐོག་མཁན་གནས་སྐབས་གདན་ཞུས་བྱས་ནས་ཇ་ལོ་འཐོག་པ་དང་ཡང་ན་ཕྱིར་ཚོང་གི་ལས་དོན་བསྒྲུབས་ནས་ཁོ་ཚོའི་ཡོང་འབབ་ཀྱི་གནད་དོན་ཐག་གཅོད་བྱས་པ་རེད། 

    དབུལ་ཐར་འགག་སྒྲོལ་ལས་དོན་སྤེལ་མགོ་བཙུགས་པ་ནས་བཟུང་། སྤྱི་གཉེར་ཁང་གིས་རང་ངོས་འཕེལ་རྒྱས་གཏོང་ཤུགས་ཆེ་རུ་གཏོང་བའི་དུས་མཚུངས་སུ། བྲག་མགོ་རྫོང་ཨུ་དང་རྫོང་སྲིད་གཞུང་གི་འབོད་སྐུལ་དང་ལེན་ཧུར་ཐག་བྱས་ནས་དབུལ་སྐྱོར་གྱི་བྱ་གཞག་ཆེན་པོའི་ནང་ཞུགས་ཏེ་ཉེ་སྐོར་གྱི་གྲོང་སྡེ་མང་པོའི་མང་ཚོགས་ཀྱི་འབབ་འཕར་བར་སྐུལ་ཁྲིད་བྱས་པ་དང་།  ལྷག་པར་དུ་ད་ལོར་རིམས་ཚུལ་བྱུང་བའི་སྐབས་སུ་སྤྱི་གཉེར་ཁང་གིས་མ་སྐུལ་དང་བླངས་ཀྱིས་དྲིལ་བསྒྲགས་ལས་དོན་ཡག་པོ་བསྒྲུབས་པས་མ་ཚད། རི་མདའ་ཡུལ་ཤོག་ཡིད་རི་གྲོང་སྡེའི་དུད་ཚང52ཀྱི་མི104ཡི་དུད་ཚང་རེའི་ཡོང་འབབ་ཆ་སྙོམསསྒོར5800འཕར་བ་དང་ཡུལ་སྨད་པི་གྲོང་སྡེའི་དུད་ཚང62ཀྱི་མི62ཡི་དུད་ཚང་རེའི་ཡོང་འབབ་ཆ་སྙོམས་སྒོར2625འཕར་ཡོད་པ་རེད། གངས་ལྗོངས་འོ་སེ་སྤྱི་གཉེར་ཁང་གི་འགན་ཁུར་མི་སྣ་ལུའེ་མིང་གིས་མིག་སྔར་སྤྱི་གཉེར་ཁང་གིས་གཞུང་ཕྱོགས་དྲ་བ་ཤར་གཏོང་ཐུབ་ནས་དྲྭ་ཐོག་ལ་ཕྱིར་ཚོང་བྱེད་ཆོག་པས་མ་ཚད། གངས་ལྗོངས་འོ་སེ་ཇ་ཐའོ་པའོ་གཞུང་ཕྱོགས་ཚོང་ཁང་དང་དྲྭ་སྦྲལ་བྱེད་བཞིན་ཡོད་པ་དང་ཆབས་ཅིག  འོ་སེ་ཇ་དམར་ཡང་ཐོན་སྐྱེད་འབོར་ཆེན་བྱེད་བཞིན་ཡོད་ཅེས་ངོ་སྤྲོད་བྱས་པ་རེད།།


  • ལེ་ཚན་སྔོན་མ།:རྩྭ་དགུན་འབུ་ཡིས་ངལ་ལས་ཡོང་འབབ་འཕར་བར་རམ་འདེགས་བྱེད།
  • ལེ་ཚན་རྗེས་མ།:རོགས་སྐྱོར་གཅིག་རྗེས་གཉིས་མཐུད་བྱས་ནས་དབུལ་ཐར་ལམ་དུ་བསྐྱལ།
  • དོ་སྣང་ཆེ་བའི་རྩོམ།