སྦྲ་དུངས་སེམས། 2019-11-13
སྔོན་བསགས་ལས་ཀྱིས་དེད་དེ།།
སྡོང་མགོ་གཅིག་ལ་བབས་སོང་།།
ཚོར་བས་ཟིན་པའི་སྣང་བརྙན།།
སེམས་ཀྱི་གཏིང་ལ་འཐིམ་སོང་།།
རླུང་བུ་གཡུག་ཐེངས་རེ་ལ།།
མི་རྟག་སྣང་བརྙན་འཆར་ཡང་།།
རླུང་བུ་འཇགས་པར་མཐོང་རྗེས།།
སེམས་པ་དྲོད་ཀྱིས་བཀང་ཡོང་།།
རླུང་བུས་བར་ཆད་མེད་ན།།
སྡོང་མགོར་གནས་ཚང་གཡར་ཆོག།
མཚན་མོར་རྒྱུ་སྐར་སླེབས་ཚེ།།
མཛེས་པའི་འཆར་བརྙན་བཞེངས་ཆོག།
རླུང་བུས་ཨུ་ཚུགས་བྱས་ན།།
སྡོང་ལོ་གཞན་དབང་འདུག་པས།།
མི་འགུལ་རང་དབང་མེད་ཀྱང་།།
གནས་སྐབས་བདེ་བར་བཞུགས་ཆོག།
ལས་དབང་ཁ་ལ་ཁྱེར་ནས།།
རླུང་བུ་གཤེ་གཤེ་མ་གནང་།།
ཕྲན་ཙམ་བདེ་བར་མཐོང་ན།།
ལོངས་སུ་སྤྱད་རྒྱུ་མ་བརྗེད།།
མཛེས་མཛེས་སྙིང་གི་མེ་ཏོག།
ཡུན་རིང་མི་སྡོད་འགྱུར་འགྲོ།།
སྡོང་ལོའི་སྟེང་གི་བྱེའུ་ཆུང་།།
དེ་དང་ནང་བཞིན་འཕུར་འགྲོ།།
རྩོམ་གསར། 10