གཡེར་མོ། 2019-09-06
ཤིན་ཏུ་འཁྱག་པའི་གཙང་བོའི་ངོས་ནས།།
སྨག་དང་འདྲེས་པའི་མཚན་མོ་དེ་ཡིས།།
ཡིད་ཀྱི་གཞུང་ལ་སྨུག་པ་འཐིབས་བྱུང་།།
སྨུག་པའི་ཨ་ལོང་བརྒྱུས་པའི་དུས་ཚོད།།
ལུས་སེམས་འཁྱག་པའི་ནད་པ་ཇི་བཞིན།།
མཚན་མོའི་ལྷིང་འཇགས་སྙིམ་པ་སུམ་བྱུང་།།
སེམས་དང་སེམས་བྱུང་ཁྱུ་གཅིག་ངོས་སུ།།
ཁྱེད་ཉིད་གློ་བའི་ཟབ་སར་ལྷུང་བའི།།
སེམས་པའི་གཡས་གཡོན་ཆར་བས་བརླན་བྱུང་།།
རྨི་ལམ་འཁུར་བའི་སྣང་བརྙན་གྱ་གྱུར།།
རྟོགས་པ་ཡོན་པོའི་མགུར་རེ་བླངས་ཏེ།།
འཛུམ་མདངས་དམུལ་དམུལ་མཆི་མ་བཞུར་བྱུང་།།
མཚར་སྡུག་སྦྲུམ་པའི་སྨྲེང་བའི་དོ་ཤར།།
རིག་འཛིན་དབང་མོའི་ང་ལ་བསླབས་ཏེ།།
ང་ཡི་མཚན་མོའི་ནམ་མཁའ་སྒུལ་བྱུང་།།
རྩོམ་གསར། 10