2019-04-19
དཔྱིད་ཀ་དེར། ང་རང་ཕྱིར་ལ་ལོག་ཡོང་།
ཁུ་བྱུག་གི་གྲེ་འགྱུར་དང་བསྡེབས་ཏེ།
སླར་ཡང་ལྗང་མདོག་གི་རྩྭ་ཐང་དུ་ལོག་ཡོང་།
སྐབས་དེར།
ཨ་ཕའི་སྙིང་གཏམ་གྱི་ཆར་ཟིམ་འཇོ།
ཨ་མའི་ཞལ་འཛུམ་གྱི་མེ་ཏོག་ལྡེམ།
སྤུན་ཟླའི་སྙིང་ཆུང་གི་ལུ་གུ་ལྡིང་།
ཡིན་ནའང་། ད་ལྟ་ང་རང་ཡུལ་གྱར་བ་ཞིག་ཡིན།
དྲན་པའི་རྟ་ཁྱུ་ཞོགས་སའི་ཉག་ག་དེར་ཅེར་ནས།
དྲན་གདུང་གིས་ཟིན་པའི་ཐ་སྙད་ཁ་ཤས།
མིག་ཆུས་ཡང་ཡང་འཁྲུད་དགོས་བྱུང་།
དཔྱིད་ཀ་དེར། ང་རང་ཕྱིར་ལ་ལོག་མྱོང་།
བདག་གི་རྨི་ལམ་དུ་རྨིས་མྱོང་བའི།
ཆུང་དུས་ཀྱི་རྐང་ལམ་ཕྲ་མོ་དེ་བརྒྱུད་ནས……
རུས་རྐང་གླིང་བུ།
རྩོམ་གསར། 10