ཞིང་པར་ཐོན་སྐྱེད་ཁ་གསབ་བྱེད་དངུལ་མུ་མཐུད་མང་དུ་བཏང་ནས།གསབ་དངུལ་འཕར་མ་རྣམས་ཐོན་ཁུལ་གཙོ་བོ་དང་།སྣ་གྲངས་གཙོ་གྲས།ཆེད་ལས་ཆེན་པོའི་ཁྱིམ་དུད།ཞིང་ལས་ཆེད་དམིགས་མཉམ་ལས་རྩ་འཛུགས་རྣམས་ལ་གཙོ་བོར་ཕྱོགས་དགོས།ཀྲུང་དབྱང་ནོར་སྲིད་ནས་འབྲུ་སྣུམ་ཕག་གསུམ་ཐོན་སའི་རྫོང་ཆེན་ལ་སྤྱིར་བཏང་རང་བཞིན་གྱི་གཏོང་སྤྲོད་སྤོ་སྒྱུར་བྱེད་གྲངས་མང་དུ་བཏང་ནས་གཟེངས་བསྟོད་གསབ་དངུལ་སྤྲོད་གྲངས་དང་སྤྲོད་ཁོངས་མང་དུ་གཏོང་དགོས། དངུལ་རྩ་ལས་ཁུངས་ཀྱིས་ཞིང་ལས་ཐད་དངུལ་བུན་ཇེ་མང་དུ་གཏོང་བར་ཁྲིད་སྟོན་བྱས་ནས།ཞིང་ལས་དངུལ་བུན་འཕར་གྲངས་ལོ་གོང་མ་ལས་མི་ཉུང་བའི་འགན་ལེན་བྱ་དགོས། སྲིད་ཇུས་རང་བཞིན་གྱིས་དངུལ་རྩས“ཞིང་གསུམ”ལ་རྒྱབ་སྐྱོར་བྱེད་ཤུགས་ཇེ་ཆེར་གཏོང་དགོས། སྲིད་ཇུས་རང་བཞིན་གྱི་ཞིང་ལས་འགན་བཅོལ་ལམ་ལུགས་འཐུས་སྒོ་ཇེ་ཚང་དུ་བཏང་ནས།ཞིང་ལས་བསྐྱར་དུ་འགན་བཅོལ་དང་གེགས་ཉེན་ཆེ་རིགས་ཁ་འགྲེམས་པའི་རྐྱེན་སྲོལ་འཛུགས་དགོས།
གྲོང་གསེབ་བསྒྱུར་བཅོས་ཟབ་ཏུ་སྤེལ་ནས་གྲོང་གསེབ་འཕེལ་བའི་གསོན་ཤུགས་ཇེ་ཆེར་གཏོང་རྒྱུ། གྲོང་གསེབ་ཀྱི་རྨང་གཞིའི་གཉེར་སྐྱོང་ལམ་ལུགས་རྒྱུན་འཁྱོངས་འཐུས་ཚང་དུ་བཏང་ནས། རྨོ་ཞིང་དང་ནགས་ཁུལ། རྩྭ་ཐང་སོགས་ཁྱིམ་ཚང་གིས་འགན་གཙང་བླངས་ནས་གཉེར་སྐྱོང་བྱེད་པའི་ལམ་ལུགས་འཐུས་ཚང་དུ་གཏོང་དགོས། གྲོང་གསེབ་ཀྱི་ས་ཞིང་དོ་དམ་གྱི་སྒྲིག་སྲོལ་ལམ་ལུགས་བསྒྱུར་བཅོས་གོ་རིམ་ལྡན་པར་བྱ་དགོས་པ་དང་། རྨོ་ཞིང་སྲུང་ཕྱིར་གསབ་དངུལ་སྤྲོད་པའི་རྐྱེན་སྲོལ་འཛུགས་རྒྱུའི་འཚོལ་ཞིབ་བྱ་དགོས། གྲོང་གསེབ་ཀྱི་ཕྱོགས་བསྡུས་བསྒྱུར་བཅོས་ལ་མུ་མཐུད་སྐུལ་འདེད་གཏོང་དགོས། གྲོང་ཚོ་རིམ་པའི་སྤྱི་ཕན་བྱ་གཞག་གི་འཛུགས་སྐྲུན་སྣ་རེར་གྲོས་རེ་བྱེད་པའི་ནོར་སྲིད་ཀྱི་བསྔགས་གསབ་ཁྱོན་ཡོངས་ནས་ལག་བསྟར་བྱས་ནས། བསྔགས་གསབ་མ་དངུལ་གྱི་གྲངས་ཚད་གཞི་རྒྱ་ཆེན་པོའི་ངང་སྤོར་དགོས། ཞིང་པའི་ཆེད་ལས་མཉམ་ལས་རྩ་འཛུགས་དང་ཞིང་ལས་སྤྱི་ཚོགས་ཅན་ལ་འགྱུར་བའི་ཞབས་ཞུའི་མ་ལག་འཕེལ་རྒྱས་གཏོང་བའི་གོམ་སྟབས་ཇེ་མགྱོ གས་སུ་བཏང་སྟེ་ཞིང་ལས་རྩ་འཛུགས་ཅན་ལ་འགྱུར་ཚད་ཇེ་མཐོར་གཏོང་དགོས། ལོ་མཇུག་གི་གོང་དུ། རྒྱལ་ཡོངས་ཁྱོན་ལ་ཞིང་གྲོང་ངམ་ས་ཁོངས་རང་བཞིན་གྱི་ཞིང་ལས་ལག་རྩལ་ཁྱབ་གདལ་དང་།སྲོག་ཆགས་རྩི་ཤིང་གི་འགོས་ནད་སྔོན་འགོག   ཞིང་ལས་ཐོན་རྫས་ཀྱི་སྤུས་ཚད་ལྟ་སྐུལ་དོ་དམ་བྱེད་མཁན་ལ་སོགས་པའི་སྤྱི་ཞབས་ལས་ཁུངས་ཡོངས་ཁྱབ་ངང་འཛུགས་དགོས།
ཀྲུང་གོ་བ་དུང་ཕྱུར་13ཟས་གྲོད་རྒྱགས་པར་བྱ་རྒྱུ་ནི་དོན་ཆེན་ནང་གི་དོན་ཆེན་ཡིན་པས། ནམ་ཡིན་ཡང་སྣང་མེད་ལྷོད་གཡེང་དུ་གཏོང་མི་རུང་།ང་ཚོར་དོན་འདིར་ཡག་པོ་སྒྲུབ་པར་བྱ་རྒྱུའི་སེམས་ཤུགས་ཡོད་ལ་ནུས་པའམ་ཡོད།
（བཞི།）དཔལ་འབྱོར་གྲུབ་ཚུལ་འཐབ་ཇུས་རང་བཞིན་གྱི་ལེགས་སྒྲིག་བྱེད་པར་སྐུལ་འདེད་གཏོང་བའི་གོམ་སྟབས་མགྱོ གས་སུ་གཏོང་རྒྱུ།
དེ་ནི་དཔལ་འབྱོར་འཕེལ་རྒྱས་སུ་གཏོང་ཐབས་བསྒྱུར་བའི་ཁ་ཕྱོགས་གཙོ་བོ་རེད།དཔལ་འབྱོར་མགྱོ གས་མྱུར་ངང་གཏིང་འཕེལ་དང་གསར་སྐྲུན་བྱེད་པའི་ལམ་ལ་སྐྱོད་རྒྱུར་སྐུལ་འདེད་བྱ་དགོས།