སློབ་གསོ་འཕེལ་རྒྱས་གཏོང་རྒྱུ་དམིགས་སུ་བཀར་ནས་རྒྱུན་འཁྱོངས་བྱ་དགོས། སློབ་གསོའི་བྱ་གཞག་ཚན་རིག་དང་མཐུན་པར་འཕེལ་རྒྱས་འགྲོ་བར་བྱས་ནས་མི་རྣམས་ལ་སྔར་ལས་རྣམ་པ་མང་ཞིང་དྲང་སྙོམས་ལྡན་ལ་སྤུས་ཚད་མཐོ་བའི་སློབ་གསོ་མཁོ་འདོན་བྱ་དགོས། 2012ལོའི་ནོར་སྲིད་ཀྱི་རང་བཞིན་ལྡན་པའི་སློབ་གསོའི་གྲོན་དངུལ་གཏོང་སྒོས་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་ནང་གི་བསྡུར་ཚད་ཀྱི་བརྒྱ་ཆ་4ཟིན་རྒྱུ་རེད། སློབ་ན་མ་སོན་གོང་གི་སློབ་གསོ་འཕེལ་རྒྱས་མགྱོ གས་སུ་གཏོང་རྒྱུ་དང་། གཞུང་གཉེར་དང་དམངས་གཉེར་སློབ་གསོ་མཉམ་སྤེལ། སློབ་ན་མ་སོན་གོང་གི་སློབ་སྒོའི་ཐོན་ཁུངས་འཕེལ་སྣོན་བྱས་ནས“བུ་བཅོལ་ཁང་ལ་ཞུགས་དཀའ་བའི”གནད་དོན་ཐག་གཅོད་གང་མགྱོ གས་བྱ་དགོས། འོས་འགན་སློབ་གསོ་དོ་མཉམ་ངང་གོང་དུ་འཕེལ་བར་བྱ་དགོས་པ་དང་། འོས་འགན་སློབ་གསོའི་དུས་རིམ་གྱི་སློབ་གྲྭ་ཚད་ལྡན་ཅན་དུ་འཛུགས་སྐྲུན་བྱ་རྒྱུར་ཤུགས་སྣོན་བརྒྱབ་སྟེ་སྤྱི་པའི་ཐོན་ཁུངས་བགོ་སྒྲིག་བྱེད་ཚུལ་གཙོ་བོ་གྲོང་གསེབ་དང་གྲོང་ཁྱེར་གྱི་ཆ་རྐྱེན་ཞན་པའི་སློབ་གྲྭར་ཕྱོགས་ཆ་ལྡན་པར་བྱ་དགོས། འབྱོར་ཡུལ་སྲིད་གཞུང་དང་གཞུང་གཉེར་སློབ་གྲྭས་གཙོས་པའི་ཞིང་པ་ལས་མིའི་མཉམ་ཁྲིད་ཕྲུ་གུ་ཚོས་འོས་འགན་སློབ་གསོ་འདྲ་མཉམ་དུ་དང་ལེན་བྱེད་ཐུབ་པར་འགན་ལེན་ཏན་ཏིག་བྱ་དགོས། མི་རིགས་ས་ཁུལ་གྱི་སློབ་གསོ་གོང་དུ་སྤེལ་བར་རྒྱབ་སྐྱོར་བྱས་ནས“སྐད་རིགས་གཉིས”ཀྱི་སློབ་ཁྲིད་ལས་ཀ་ཡག་པོར་བསྒྲུབ་དགོས། བྱང་ཚད་སློབ་གསོར་ཕྱོགས་ཡོངས་ནས་སྐུལ་འདེད་གཏོང་དགོས། སློབ་གསོ་བསྒྱུར་བཅོས་མགྱོ གས་སུ་གཏོང་བ་དང་། སློབ་གྲྭ་འབྲིང་ཆུང་གི་སློབ་མའི་སློབ་སྦྱོང་གི་ཁུར་པོ་ལྗིད་དྲགས་ཚུལ་དངོས་འབྲེལ་ཡང་དུ་བཏང་ནས་ཕྲུ་གུ་རྣམས་ཀྱི་རང་ཚུགས་ཐུབ་པའི་བསམ་གཞིགས་བྱེད་ནུས་དང་ལག་ལེན་གསར་གཏོད་བྱེད་ནུས་ལ་ཁྲིད་སྟོན་དང་གསོ་སྐྱོང་བྱ་རྒྱུ་གལ་ཆེན་དུ་འཛིན་དགོས། སློབ་གྲྭ་འབྲིང་ཆུང་གི་སློབ་མ་ཚོ་ཉིན་རེར་སློབ་གྲྭའི་ལུས་རྩལ་བྱེད་སྒོའི་ནང་ཆུ་ཚོད་རེ་ཞུགས་ཐུབ་པར་འགན་ལེན་བྱ་དགོས་པ་དང་། ལས་རིགས་སློབ་གསོ་འཕེལ་རྒྱས་ཤུགས་ཆེན་གཏོང་དགོས། མཐོ་རིམ་སློབ་འབྲིང་དུས་རིམ་གྱི་སློབ་གྲྭ་དང་མཐོ་རིམ་སློབ་གྲྭས་ཁྱད་ཆོས་ལྡན་པའི་སློབ་གསོ་གཉེར་ཐུབ་པར་ཁྲིད་སྟོན་བྱས་ནས་སློབ་གསོའི་སྤུས་ཚད་མཐོ་རུ་གཏོང་བ་དང་སློབ་མའི་ལས་ཞུགས་དང་ལས་སྒོ་གསར་འབྱེད་བྱེད་ནུས་ཆེ་རུ་གཏོང་དགོས། རིགས་གཞུང་ཚན་ཁག་གཙོ་བོ་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་འཛམ་གླིང་ཐོག་སློབ་ཆེན་ལེགས་ཤོས་ཁག་ཅིག་འཛུགས་སྐྱོང་གང་མགྱོ གས་བྱ་དགོས། དམིགས་བསལ་སློབ་གསོ་འཕེལ་རྒྱས་གཏོང་བར་རོགས་སྐྱོར་བྱེད་པ་དང་། རྒྱལ་ཁབ་ཀྱི་སློབ་ཞུགས་རོགས་དངུལ་ལམ་ལུགས་དོན་འཁྱོལ་དང་འཐུས་ལེགས་སུ་གཏོང་དགོས་ཤིང་། སློབ་གསོའི་དུས་རིམ་གང་ཡིན་ལ་མ་བལྟོས་པར་ཕྲུ་གུ་སུ་ཞིག་ཁྱིམ་ཚང་ལ་དཔལ་འབྱོར་དཀའ་ངལ་ཡོད་པའི་རྐྱེན་གྱིས་སློབ་ཞུགས་གོ་སྐབས་ཤོར་ཚུལ་མི་ཐོན་པའི་འགན་ལེན་ཏན་ཏིག་བྱ་དགོས།