ཤ་གཅིག་རེད་ན་བཟའ་བཞག མར་གཅིག་རེད་ན་བཅང་བཞག
ཤོ་ཤ་རི་བོའི་རྩེ་ལ་ཡོད།ཉ་ཤ་རྒྱ་མཚོའི་འགྲམ་ལ་ཡོད།ཤ་བཞག་ཟི་འདྲ་མ་བྱས་ན།ཤ་ཐག་ལེགས་པོ་ཁྱོད་ཀྱིས་བཅད།ཤ་བཞག་ཟི་འདྲ་མ་བྱས་ན།ཤོ་བདག་ལག་པ་མདའ་ལས་ཚ།ཤ་པས་ལ་ཁ་ནས་གྲི་རྡར།རྒན་མོ་ལུང་ཁུག་ནས་ངུ་ལུག ཤ་བཅད་ཤིང་རྟ་འཁོར་ལོ་མ།སྨན་བུ་མོའི་ལོ་རྟགས་འབྲུག་ལོ་རེད།ཤ་ཤ་བུ་མོའི་རུམ་ནང་ནས།ཤི་ཤི་མིན་པའི་ཁས་ཤིག་བླངས།ཤབ་ཟེར་དུས་དཔའ་བོས་རལ་གྲི་ཤག ཤག་ལེ་གཡུག་ལེ་དུས་གཅིག་རེད།ཤར་རྒྱལ་བ་བློ་བཟང་གྲགས་པ་ལ།གསེར་རྟ་རྒྱབ་གཅིག་དང་དྲེལ་རྒྱབ་གཅིག   ཨ་བརྒྱད་པ་བརྒྱད་ཤོ་བ་བརྒྱད།ཕུ་ན་ལྷ་མཚོ་ཕྱུག་མོ་བརྒྱད།མདའ་ན་ས་ནག་གད་པ་བརྒྱད།མགོན་ཁང་ནང་ལ་མགོན་པོ་བརྒྱད།མགར་ཚང་ནང་ལ་དམ་ཅན་བརྒྱད།བྲག་དམར་ཞབས་ལ་ཐེའུ་རང་བརྒྱད།
ཤོ་མིག་དགུ་པ།དགུ།
མཛོ་མོ་དགུ་ཡི་བདག་པོ་ཡིན།དབྱར་ཞོ་དགུན་ཞོ་ཆད་མ་མྱོང་།སྒུག་བསྡད་ཡོད་དེ་སྒུག་བསྡད་ཡོད།བོད་སྡེ་པ་གཞུང་གིས་སྒུག་བསྡད་ཡོད།སྒུག་པའི་བླ་མ་མ་མཇལ་ན།བུ་ས་འོག་ས་སྟེང་འདུག་ཐབས་མེད།དགུ་དགུ་རྭ་ཅོའི་ཕྲེང་བ་ལ།རྒྱན་རྫས་གཡུ་དང་བྱེ་རུ་རེད།དགུ་པ་ཨེ་ཤེས་ཕྱེ་མར་མགོ།ཕྱེ་མར་མེད་ན་གོ་རྒན་མགོ།རྒུན་འབྲུམ་བཟས་ན་ཞིམ་པོ་ཡོད།རྒུན་འབྲུམ་བཟས་ན་མངར་མོ་ཡོད།ཕོ་དགུ་བསད་པ་སྟག མོ་དགུ་བསད་པ་གཟིག ཝ་ལེ་ཝུ་ལེ་ཆང་།རྔ་མ་ལེབ་ཀྱི་སྦེ།རྒུན་འབྲུམ་ལོ་ཏོག་རྒྱས་ཉིན་མ།བྱ་ཏིང་ཏིང་ཁ་ལ་ཐལ་བ་ཐོབ།རྒས་པོ་ལ་ལ་སོང་ན་སྒུ་རུ་རུ།རྒན་མོ་ཐུར་ལ་ཡོང་ན་སྒུ་རུ་རུ།བྱིས་པས་མེ་ཏོག་འཐུ་ན་སྒུ་རུ་རུ།བ་རྒན་གཅིན་རྙང་གཏོང་ན་སྒུ་རུ་རུ།སྒུར་ན་མི་བཟང་སྒུར་ན་བཟང་།ལོ་ཡག་སྙེ་མ་སྒུར་ན་བཟང་།རྒྱ་ཟོར་ངར་མ་སྒུར་ན་བཟང་།ཚེས་གསུམ་ཟླ་བ་སྒུར་ན་བཟང་།སྐྱེས་པའི་དཔའ་རྩལ་སྒུར་ན་བཟང་།ཕོ་སྒུར་སྒུར་ཐམས་ཅད་དཔའ་རྩལ་རྒོད།དགུ་གོམ་གསུམ་སྤོས་ན་དོན་གསུམ་འགྲུབ།བདུད་ཀླུ་བཙན་མགོ་ལ་ཐོད་མདའ་སྤྲད།ཧོར་གུར་དཀར་མགོ་ལ་གཉའ་སྒ་གཏད།
 ཤོ་མིག་བཅུ་པ།ཆུ།
ཆུ་བོ་ཡར་ཀླུང་གཙང་པོ་ལ།གྲུབ་པ་ཐོབ་པའི་མི་ཞིག་འགི།ཆུ་ལ་ཆར་པའི་སྐྱོབ་རོགས།ང་ལ་བྱམས་པའི་སྐྱོབ་རོགས།ཆུ་འགྲོ་བ་འདྲེན་པའི་འགྲམ་ངོགས་ལ།ང་ཤོ་བ་སྨུག་ཆུང་སྣང་བ་སྐྱིད།ཆུ་དྭངས་མ་ཤར་ཤར་མ་རྒྱུགས་ན།སྨན་བུ་མོའི་ཞལ་ངོ་གང་གིས་འཁྲུ།དེ་རིང་ང་ཡི་ཆུ་རེད།ང་ལ་ལ་འགྲོ་བའི་ཆུ་རེད།སང་ཉིན་ཁྱོད་ཀྱི་ཆུ་རེད།ཁྱོད་ཀླུང་ལ་འགྲོ་བའི་ཆུ་རེད།དབྱར་ཁ་དབྱར་ཁའི་ཆུ།དགུན་ཁ་དགུན་ཁའི་ཆུ།ཉིན་ལེབ་སྤང་གི་ཆུ།རྫ་མ་རང་གི་ཆུ།དེ་རིང་ང་ཡི་ཆུ།སང་ཉིན་ཁྱོད་ཀྱི་ཆུ།
ཤོ་མིག་བཅུ་གཅིག་པ།ཐོབ།
ཐོབ་སྒྲ་ཆེ་བའི་གཤོག་སྒྲ།བྱ་ཝང་འཕུར་བའི་གཤོག་སྒྲ།ཐོབ་ཟེར་ལི་རྟ་མིན་རྟེའུ་མགོ་མ།དངུལ་སི་ལི་མི་ལི་སྤྲོད་ས་རེད།ཐོབ་རྟ་མིན་རྟེའུ་མགོ་མ་རྒྱབ་ན།དངུལ་སི་ལི་མི་ལི་ཤོར་ས་རེད།ཐོབ་ཐོབ་མཆིན་པའི་དཀྱིལ་ལ་གདའ།མཆིན་པ་ཧ་ཤང་དི་རི་རི།ཐོབ་ཐོབ་དར་རྒྱས་དགོན་པ་ལ།མདང་སང་རྐུན་མ་འཇབ་རབ་ཡོད།འཇབ་རབ་ཡོད་དེ་ཤོར་རབ་མེད།ཐོབ་ཐོ་མོ་གཉིས་ཀྱིས་རྟ་ཞིག་ཉོས།རྟ་དེ་ལ་ཅི་བཏགས་མ་ཤེས་ན།རྟ་དེ་ལ་ཐོབ་རྒྱན་རག་ཕྲུག་བཏགས།ཐོག་ཆེན་ནམ་མཁའི་འབྲུག་གྲགས་དེ།ཐོག་རེ་རྒྱག་དུས་གློག་རེ་འཁྱུགས།གནམ་ལྕགས་ཐོག་གི་འགྲིམ་ལམ་ནས།བྲག་རི་སྲ་ཡང་བརྟན་ལེ་མིན།ཐོག་ཆེན་ཤེས་ཆེན་མགོ་ལ་རྒྱོབ།མེ་རི་བཙན་པོའི་སྙིང་ལ་རྒྱོབ།ཐོག་རེད་ན་ཐེའུ་རང་མགོ་ལ་རྒྱོབ།མེ་རེད་ན་རྫ་མའི་འོག་ལ་བུས།མདའ་རེད་ན་གུར་དཀར་མགོ་ལ་རྒྱོབ། ཕོ་ཐོབ་གསེར་གྱི་ཀ་བ།མོ་ཐོབ་དངུལ་གྱི་གདུང་མ།
ཤོ་མིག་བཅུ་གཉིས་པ།འཇམ།
འཇམ་བཅུ་གཉིས་གླིང་དཀར་སྟོད་ལ་ཡོད།སྨན་འབྲུག་མོ་ཧོར་སེར་སྨད་ལ་ཡོད།འཇམ་བཅུ་གཉིས་རྐྱང་དཀར་སྟོད་ལ་ཡོད།བྱ་ངང་པ་ལྷོ་བྱང་མཚམས་ལ་ཡོད།འཇམ་བཅུ་གཉིས་ལ་མོ་མ་རྒྱག་ན།ཨ་རུབ་རྫ་ལ་ཤི་ལེ་ཡོད།འཇམ་སྐྱ་ལུའི་ལ་མོ་མ་བརྒྱབ་ན།རྟ་འདོ་སྒའི་མིག་ནས་འཆི་མ་འབབ།འཇམ་སྐྱ་ལུའི་ལྕགས་ཐག་ཁྲ་བོ་རེད།འུག་རྒན་མིག་རྩ་སེར་པོ་རེད།འཇམ་ཆེན་སྐྱ་ལའི་གྲུ་ཁ་ལ།གྲུ་ལོག་མ་ཁུར་གྲུ་པའི་བུ།འཇམ་བཅུ་གཉིས་ཡན་ལག་ཤོ་མེད།གུ་ར་ཡན་ལས་རྫ་མེད།ཨ་ཆེན་ཡན་ལས་ཐང་མེད།འཇམ་དཔལ་མི་བསྐྱོད་རྡོ་རྗེ་རེད།ལོངས་སྤྱོད་ཆོས་ཀྱི་འཁོར་ལོ་རེད།འཇམ་དཔལ་མཚན་བརྗོད་འདོན་འདོན་ཤི།བན་རྒན་ཁུར་རྩ་ཇེ་ཡང་ཡིན།བཅུ་གཉིས་ལྕང་དཀར་རྡེབ་རྡེབ་རེད།འོག་རྟ་བྱ་བྱེའུ་འཕུར་འཕུར་བ་རེད།
པ་ར་དང་།སུག
པ་སུག་སྤུ་སུག་བྱེད་ཟིག་འགི།ར་མས་འབའ་རད་འདེབས་ཟིག་འགི།པ་སུག་ཀྲད་འགའ་ཤོ་པའི་ལྟས་ངན་རེད།སྡུག་ཐུག་ན་མི་འབོད་ཁ་མེད་རེད།
སུག་དང་།འབྲུག
སུག་འབྲུག་དང་ནེའུ་འབྲུག་ཟེར།ཨ་ཕྱི་དང་ལོ་ལོ་ཟེར།
ཟིག་དང་།སུག
ཛིག་སུག་དང་ནིའུ་ཟུག་ཟེར།ཨ་ཕྱི་དང་ལོ་ལོ་ཟེར།
ཟིག་སུག་གཉིས་ལ་ལ་མི་འགྲོ་བར།ང་ཤོ་པ་རྒད་པོའི་དམ་བཅའ་ཡིན།
ཟིག་སུག་ཡན་ལས་མགོ་མི་བཀྱག ཤོ་པ་རྒད་པོའི་ཁས་ལེན་ཡིན།ཟིག་སུག་ར་ལམ་མགོན་པོའི་ཐུགས་དམ་བསྐང་།ཞིང་སྐྱོང་དབང་ཕྱུག་ཆེན་པོའི་ཐུགས་དམ་བསྐང་།
ཟིག་དང་།འབྲུག
ཟིག་འབྲུག་ཚིག་པ་ཟ་ཀྱིན་འདུག ཤོ་པ་སྙིང་རླུང་ལངས་ཀྱིན་འདུག
ཁ་དང་།པ་ར།
ཁ་པར་དྲུག་ལྕག་མི་ལ་རྒྱག ཇ་ཁུག་ནག་རིལ་རྐུན་མས་ཁུར།(དྲུག་ལྕག་ནི་ལྕག་ཚན།)
ཁ་དང་།ཟིག
ཁ་ཟིག་ཁ་སེང་ཞུས་བཞག་ཡོད།དེ་རིང་བདག་ལ་གནང་རོགས་ཀྱིས།
ཁ་དང་།སུག
ཁ་སུག་ཀོ་སུག་རྡེབ་རྡེབ་རེད།གཡག་གུ་སྣ་ལོ་རྩ་རྩ་རེད།
ཁ་དང་།འབྲུག
ཁ་འབྲུག་ཁམས་པའི་ཕྲུ་གུ་རེད།བདག་ང་རང་ཁམས་པའི་ཕྲུ་གུ་རེད།
ཁ་འབྲུག་བུ་རྗེས་ཤི་འགི་ཟེར།ཤི་ཡི་ཤི་ལུགས་ཅི་འདྲ་རེད།
ཁ་དང་།ཤ
ཁ་ཤར་ལ་ཕྱོགས་པའི་ལྟག་སྒོ་དེ།ཕ་སྟག་རོང་དཔོན་པོའི་གཟིམ་ཆུང་རེད།ཁ་ཤ་མཁས་པའི་མི་ཞིག་གདའ།རྡེའུ་བསགས་པའི་གྲམ་ཕུང་རེད།ཁ་ཤ་ཉ་ཤ་མཁུར་ཤ་གསུམ།ཤ་ག་ནས་བཅད་ན་རང་ཤ་རེད།ཁ་ཤ་བྲག་ལ་རྒྱག་ཀྱིན་གདའ།བྲག་ལ་སྐོར་ཏོ་ཟེར་གྱིན་གདའ།ཁ་ཤ་གོང་མ་དཔོན་ཆེན་ལ།གསེར་ཏོག་ཙེས་སྐོས་གཡག་པས་འཕྱག
ཁ་དང་།རི།
ཁ་རིང་གོས་ཀྱི་གོང་བ།ཡང་རིང་དར་གྱི་མདུད་པ།ཁ་རིང་གོས་ཀྱི་གོང་བ་རེད།གོས་གོང་བ་མེད་ན་རྒྱ་གོས་རེད།ཨ་རིག་རིག་པའི་རི་མགོ་རིག་བྱུང་།མི་རིག་རིག་པའི་རི་མགོ་རིག་བྱུང་།རྒྱ་ནག་རྒྱལ་པོའི་རྒྱབ་རི་རིག་བྱུང་།གེ་སར་རྒྱལ་པོའི་མདུན་རི་རིག་བྱུང་།ཧོར་སེར་ཁག་གི་དག་རི་རིག་བྱུང་།
ཁ་དང་།དགུ
ཁ་དགུ་མ་ནེ་བཅུ།
ཁ་དགུ་ལ་ཉི་མ་ཤར།གླིང་སེམས་ཅན་དབང་པོ་དར།
ཁ་དང་།ཆུ།
ཁ་ཆུ་སྣ་ཆུ་བདུད་རྩི་ཟེར།ཤིག་དང་སྲོ་མ་དངོས་གྲུབ་ཟེར།ཁ་ཆུ་མི་རྒྱག་ཁ་མེད་རེད།རྩ་བ་རང་ལ་ཐུག་ལེ་རེད།
ཁ་དང་།ཐོབ།
ཁ་ཐོག་ཡག་མོ་དགེ་ཐོག་དགོན་ནང་གདའ།རྨ་བྱ་ཡག་མོ་ལྷ་བྱ་དགོན་ནང་གདའ།
འབྲུག་དང་།པ་ར།