གཉན།
2016-10-28
གཉན་གྱི་སྐེ་མཇིང་སྦོམ་ཞིང་རྔ་མ་ཐུང་ཐུང་ཞིག་ལས་མེད་ལ་སུག་བཞིའང་སྦོམ་ཞིང་ཐུང་བ་དང་རྨིག་པ་དྲང་ཐད་དུ་ཡོད་པས་བྲག་ངོས་སུ་འགོ་བར་འོས་ཤིང་འཚམ། ལུས་ཡོངས་ཀྱི་སྤུ་མཐུག་ཅིང་ཐུང་བ་དང་མཇིང་པའི་སྤུ་ཅུང་ཟད་རིང་པོ་ཡོད། མང་ཆེ་བ་ཁམ་སྐྱ་དང་སྐྱ་བོ་ཡིན་ལ་གདོང་བ་དང་སོག་མགོ སྒལ་བའི་མདུན་ངོས་སོགས་ནི་ཁམ་སྨུག་ཡིན། རྣ་ཅོག་གི་ནང་ངོས་དཀར་སེར་ཡིན་པ་དང་བྲང་དང་ལྟོ་བ། སུག་བཞིའི་ནང་ངོས་བཅས་དང་ཁོག་སྨད་དང་ཨོང་མགོ་སོགས་དཀར་སྐྱ་ཡིན། ལག་པའི་མདུན་ངོས་ཀྱི་མདོག་ཅུང་ཁམ་སྨུག་ཡིན་ཞིང་རྔ་མ་དང་རྒྱབ་གཞུང་གི་མདོག་གཅིག་མཚུངས་ཡིན། མོའི་རིགས་ཀྱི་སྤུ་མདོག་ཕོ་ལས་ཆེ་ཞིང་ཁ་ཤས་ཀྱི་སྤུ་མདོག་ལུས་ཡོངས་རྫོགས་དཀར་སྐྱ་ཡིན་པའང་ཡོད།
གཉན་རི་ལ་འགོས་ན་ངར་བ་དང་གཉན་པོ་ཆེས་ཆེ་བ་ནི་སྤྱང་ཀི་དང་གསའ་ཡིན། ཟས་འཚོལ་བའམ་ངལ་གསོ་སྐབས་སུ་དར་ལ་བབ་པའི་གཉན་ཞིག་གིས་མཐོ་ས་ནས་སོ་བ་བྱེད་ཅིང་རྒྱང་རིང་གི་གནས་ཚུལ་མི་ལེགས་པ་མཐོང་ཚེ་ཁྱུ་ཚོགས་ལ་བརྡ་གཏོང་ཞིང་དེ་མ་ཐག་བྲག་ངོས་གཟར་པོ་དག་ནས་རང་དབང་གང་དྲན་གྱིས་བྲོས་འགྲོ་ལ་ཉིན་འགའ་ལ་ཆུ་མ་འཐུང་རུང་སྐྱོན་མེད། དགུན་དུས་ཆུ་མེད་ན་ཁ་བ་ལྡག་པས་ཆོག་པ་དང་། ཁ་ཟས་སུ་རྩི་ཤིང་གི་རིགས་གང་ཡིན་ཡང་ཟ་བ་ཡིན། རང་རེའི་བོད་པའི་ལོ་རྒྱུས་ཁ་ཤས་སུ་རྒྱལ་པོ་སྟག་རི་གཉན་གཟིགས་ངོ་སྤྲོད་བྱེད་སྐབས་སྐྱིད་ཤོད་སྟག་མོའི་རི་ལ་རི་དྭགས་གཉན་འགྲོ་བ་གཟིགས་པས་སྟག་རི་གཉན་གཟིགས་ཞེས་མཚན་གསོལ་ཞེས་བྲིས་ཡོད་པ་ཅིང་རྩོམ་རིག་བརྩམས་ཆོས་ཁ་ཤས་སུའང་གཉན་གྱི་སྣང་བརྙན་མཐོང་དུ་ཡོད།
སྐྱེ་འཕེལ་དུས་རིམ་ནི་སྟོན་མཇུག་དང་དགུན་མགོ་ཡིན་པ་དང་མངལ་སྦྲུམ་པའི་དུས་ཡུན་ཕལ་ཆེར་ཉིན་150ནས་ཉིན་160ཡིན་པས་ལོ་རྗེས་མའི་ཟླ་བ་ལྔ་པ་དང་དྲུག་པར་ཕྲུ་གུ་བཙའ། ཕྲུ་གུ་ཁོར་ཡུག་ལ་ལོབས་པའི་ནུས་པ་ཤིན་ཏུ་མཐོ་སྟེ་བཙས་ནས་ཅང་མ་འགོར་བར་རང་བཞིན་གྱིས་ལངས་ཐུབ་ལ་ཨ་མའི་ནུ་མ་ནུ་ཐུབ། ཟླ་གཅིག་ཙམ་འགོར་རྗེས་རྩྭ་ཟ་ཐུབ་པ་དང་ནུ་མ་ཟླ་བ་དྲུག་ཙམ་ལ་བསྣུན་རྗེས་བཀར་བ་ཡིན། ལོ་གཉིས་ལོན་ན་དར་ལ་བབས་ཤིང་ཚེ་ཚད་ལོ་བཅུ་ནས་བཅོ་ལྔ་ཡོད།
དོ་སྣང་ཆེ་བའི་རྩོམ།
རྩོམ་གསར། 10
རྫ་སྨུག་མཁར་གྱི་མཛེས་དཔལ་ཉམས་སུ་མྱོང་།- སླར་མཇལ་བ།
- དུར་ཁྲོད་འོག་གི་དྲན་པ།
- མཐོ་རྒྱུགས་ལ་སྦྱར་བའི་མགུར་མ་དགུ་སེང་དྲུག་འགྱུར།
- ཨ་ཕ་དང་ལུག་ཁྱུ།
- ༄༅།།ཤིང་ཏོག་གི་དྲི་ཞིམ་ཁྲོད་ཀྱི་བོད་ཁང་དམར་པོ།
- གསར་བརྗེ་རིག་གནས་རྒྱུད་འཛིན་གྱིས།། ཆོས་ལུགས་ཡར་རྒྱས
- ཁུ་བྱུག
- ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་ཚོགས་འདུ་འཚོགས
- ལྷ་སར2021ལོའི“ལྷ་མོའི་ཟློས་གར་འཁྲབ་སྟོན་དུས་ཚིགས”སྤེ