གཟིག
2016-10-24
གཟིག་ནི་དགོང་མོ་འགུལ་སྐྱོད་བྱེད་པར་དགའ་བ་དང་གཟིག་ལ་གཅན་གཟན་གཞན་དང་མི་འདྲ་བའི་རང་གཤིས་ཤིག་ཡོད་པ་ནི་བརྔོན་དངོས་སུ་བྱུང་བའི་ཁ་ཟས་སྡོང་བོ་མཐོན་པོ་ཞིག་གི་སྟེང་དུ་འཇོག་པ་དེ་ཡིན་ཞིང་དེ་ལྟར་བྱེད་ན་གཅན་གཟན་གཞན་པས་གཟིག་གི་ཟ་འཕྲོར་གྱུར་པའི་ཁ་ཟས་ལོངས་སུ་སྤྱོད་མི་ཐུབ། གཟིག་གི་རྒྱུན་ལྡན་གྱི་ཁ་ཟས་ནི་དགོ་བ་དང་བྱིའུ་ཡིན་ལ་ཕོ་གཟིག་ཞིག་གི་ལྗིད་ཚད་ལ་སྤྱི་རྒྱ90ལྷག་དང་མོ་གཟིག་ཞིག་གི་ལྗིད་ཚད་ལ་སྤྱི་རྒྱ70ལྷག་ཡོད། གཟིག་གིས་རང་ཉིད་ལས་ལྡབ་གསུམ་གྱིས་ལྕི་བའི་བརྔོན་དངོས་སྲོག་ཆགས་ཀྱི་རོ་སྡོང་མགོ་རུ་འདྲུད་ཐུབ་པ་ཡིན། གཟིག་ལ་མི་ལས་གཞན་པའི་གཉན་པོ་ཕལ་ཆེར་མེད།
གཟིག་ནི་དགུན་དང་དཔྱིད་དུས་སུ་ཚང་ལ་འགྲོ་བ་ཡིན་ཞིངམངལ་སྦྲུམ་པའི་དུས་ཡུན་ཕལ་ཆེར་ཉི་མ་བརྒྱ་ཡས་མས་ཡིན། ཟླ་བ་གསུམ་པ་དང་བརྒྱད་པར་ཕྲུ་གུ་བཙའ་བ་དང་བཙའ་ཐེངས་གཅིག་ལ་ཕྲུ་གུ་གཉིས་ནས་བཞི་རེ་བཙའ་བ་ཡིན།
རང་རེའི་བོད་ཀྱི་གཏམ་རྒྱུད་དང་རྩོམ་རིག་ཁྲོད་དུ་གཟིག་ནི་རྟག་བརྟན་གྱི་བརྗོད་བྱ་ཞིག་ཡིན་ཏེ། གཟིག་ལྤགས་བཀབ་པའི་བོང་བུ་ཡིས། ། ལོ་ཏོག་ཟས་མཐར་གཞན་གྱིས་བསད། ། ལྟ་བུ་དང་གཟིག་ལྤགས་ནི་དཔའ་བོའི་དཔའ་དར་གྱི་མཚོན་བྱེད་ཡིན་པ་ལྟ་བུ་སོགས་ཀྱིས་མཚོན་ལ། སྤྱིར་བཏང་དུ་གཟིག་ལ་མིས་ངན་མ་བྱས་ན་ཚུར་མི་རྒོལ་མོད། གཟིག་ལྤགས་ནི་རྩ་ཆེན་ཡིན་པ་དང་གཟིག་ཤ་དང་གཟིག་རུས་སྨན་དུ་འགྲོ་བ་སོགས་ཀྱི་དབང་གིས་མི་རྣམས་ཀྱིས་འཛེམ་བག་མེད་པར་གཟིག་བསད་པ་དང་། ཡང་མི་རྣམས་ཀྱིས་ནགས་ཚལ་གཅོད་དྲགས་པས་གཟིག་གི་འཚོ་གནས་ཁོར་ཡུག་ཇེ་ཆུང་ལ་བཏང་བ་སོགས་ཀྱིས་གཟིག་གི་གྲངས་འབོར་ཇེ་ཉུང་དུ་སོང་ནས་ད་ལྟ་ཚོད་དཔག་བྱས་པ་ལྟར་ན་གཟིག་གི་ཁ་གྲངས་ཉིས་སྟོང་ཙམ་ལས་མེད་ཅིང་གཟིག་ནི་རྒྱལ་ཁབ་ཀྱི་རིམ་པ་གཉིས་པའི་སྲུང་སྐྱོབ་སྲོག་ཆགས་ཀྱི་གྲས་སུ་གཏོགས་པས་ང་ཚོས་སྲུང་སྐྱོབ་བྱེད་པར་དོན་སྙིང་ཆེན་པོ་ལྡན།།
《མདོ་དབུས་མཐོ་སྒང་གི་རྩ་ཆེའི་རི་སྐྱེས་སྲོག་ཆགས་རིས་འགྲེལ།》ལས་བཤུས།
དོ་སྣང་ཆེ་བའི་རྩོམ།
རྩོམ་གསར། 10
རྫ་སྨུག་མཁར་གྱི་མཛེས་དཔལ་ཉམས་སུ་མྱོང་།- སླར་མཇལ་བ།
- དུར་ཁྲོད་འོག་གི་དྲན་པ།
- མཐོ་རྒྱུགས་ལ་སྦྱར་བའི་མགུར་མ་དགུ་སེང་དྲུག་འགྱུར།
- ཨ་ཕ་དང་ལུག་ཁྱུ།
- ༄༅།།ཤིང་ཏོག་གི་དྲི་ཞིམ་ཁྲོད་ཀྱི་བོད་ཁང་དམར་པོ།
- གསར་བརྗེ་རིག་གནས་རྒྱུད་འཛིན་གྱིས།། ཆོས་ལུགས་ཡར་རྒྱས
- ཁུ་བྱུག
- ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་ཚོགས་འདུ་འཚོགས
- ལྷ་སར2021ལོའི“ལྷ་མོའི་ཟློས་གར་འཁྲབ་སྟོན་དུས་ཚིགས”སྤེ