དོམ་ཁྲ།
2016-10-10
དོམ་ཁྲ་ལ་རྣོ་ངར་ལྡན་པའི་སྡེར་མོ་དྲུག་ཡོད་པ་དང་རྐང་ལག་གཉིས་ལ་བརྟེན་ནས་སྡོང་མགོར་འགོ་བའི་རྩལ་དང་ལྡན། དོམ་ཁྲའི་སྐྱི་པགས་ཤིན་ཏུ་མཐུག་པོ་ཡིན་པས་ཆེས་མཐུག་སར་ཧའོ་སྨི10ཡས་མས་ཡོད། མིག་ཤེས་དེ་འདྲའི་རྣོན་པོ་མིན། དོམ་ཁྲ་ནི་མཚོ་ངོས་ལས་སྨི2600ནས་སྨི3500ཡིས་མཐོ་བའི་ནགས་ཚལ་སྟུག་པོའི་ཁྲོད་དུ་འཚོ་སྡོད་བྱས་ཡོད། དོམ་ཁྲས་ཉིན་གཅིག་གི་དུས་ཚོད་ལས་ཕྱེད་ཙམ་ལ་ཟ་མ་བཟའ་བ་ལས་དེའི་འཕྲོའི་ནང་གཉིད་བསྡད་ཡོད། དོམ་ཁྲའི་ཚུགས་ཀ་སྙིང་རྗེ་བོ་ཡོད་པས་མི་རྣམས་ཀྱིས་དགའ་པོ་བྱེད་བཞིན་ཡོད་ལ་ལུས་པོ་ཚོ་ལྟིག་ཡིན་ནའང་ལྡེམ་མྱུར་དང་ལྡན་པ་ཞིག་ཡིན་པས་རྣམ་འགྱུར་རྣམ་པ་སྣ་ཚོགས་སྟོན་ནུས། དོམ་ཁྲ་ནི་སྡོང་མགོར་འགོས་ན་ངར་བ་དང་རྩེད་མོ་རྩེ་བར་དགའ་པོ་ཡོད། དེས་རང་འགུལ་གྱིས་གཞན་ལ་རྒོལ་བར་མི་བྱེད་ཅིང་མི་དང་སྲོག་ཆགས་ལ་ཐུག་ན་གཡོལ་ནས་འགྲོ། ཡིན་ནའང་དོམ་ཁྲས་རང་ཉིད་ཀྱི་དོམ་ཕྲུག་སྲུང་སྐྱོབ་བྱེད་པ་ཤིན་ཏུ་དམ་པས་གཞན་གྱིས་དོམ་ཕྲུག་ལ་ངན་བྱེད་པའམ་གམ་ཏུ་བཅར་བ་ཙམ་བྱེད་ནའང་སྲོག་ལ་མི་འཛེམ་པར་རྒོལ་བ་ཡིན།
འགྲོ་བ་མིའི་རིགས་ཀྱིས་ནགས་ཚལ་གཅོད་དྲགས་པ་དང་ཚད་ལས་བརྒལ་བའི་ལྐོག་རྔོན་བྱས་པ། ཁོར་ཡུག་ཇེ་ཞན་དུ་གྱུར་པ་སོགས་ཀྱི་དབང་གིས་དོམ་ཁྲའི་གྲངས་ཀ་ཇེ་ཉུང་དུ་ཕྱིན་མོད། ཉེ་བའི་ལོ་ཤས་རིང་འབད་པས་སྲུང་སྐྱོབ་ལ་བརྟེན་ནས་གྲངས་ཀ་ཅུང་འཕར་འདུག་པ་དང་དོམ་ཁྲ་ནི་རང་རྒྱལ་གྱི་རིམ་པ་དང་པོའི་སྲུང་སྐྱོབ་སྲོག་ཆགས་སུ་གཏོགས་པ་ཡིན།།
༼ མདོ་དབུས་མཐོ་སྒང་གི་རྩ་ཆེའི་རི་སྐྱེས་སྲོག་ཆགས་རིས་འགྲེལ།༽ལས་བཤུས།
དོ་སྣང་ཆེ་བའི་རྩོམ།
རྩོམ་གསར། 10
རྫ་སྨུག་མཁར་གྱི་མཛེས་དཔལ་ཉམས་སུ་མྱོང་།- སླར་མཇལ་བ།
- དུར་ཁྲོད་འོག་གི་དྲན་པ།
- མཐོ་རྒྱུགས་ལ་སྦྱར་བའི་མགུར་མ་དགུ་སེང་དྲུག་འགྱུར།
- ཨ་ཕ་དང་ལུག་ཁྱུ།
- ༄༅།།ཤིང་ཏོག་གི་དྲི་ཞིམ་ཁྲོད་ཀྱི་བོད་ཁང་དམར་པོ།
- གསར་བརྗེ་རིག་གནས་རྒྱུད་འཛིན་གྱིས།། ཆོས་ལུགས་ཡར་རྒྱས
- ཁུ་བྱུག
- ཀྲུང་གུང་ཀྲུང་དབྱང་ཆབ་སྲིད་ཅུས་ཀྱིས་ཚོགས་འདུ་འཚོགས
- ལྷ་སར2021ལོའི“ལྷ་མོའི་ཟློས་གར་འཁྲབ་སྟོན་དུས་ཚིགས”སྤེ