ཟླ་བ10པའི་ཚེས27ཉིན་གྱི་ཕྱི་དྲོར་དར་མདོ་མཛའ་གཞས་ཐང་ཆེན་དུ་དཀར་མཛེས་ཁུལ་དབུ་བཪྙེས་ནས་ལོ་ངོ60འཁོར་བའི་མང་ཚོགས་སྒྱུ་རྩལ་འཁྲབ་སྟོན་ཚོན་མདོག་རྣམ་པར་བཀྲ་བའི་དཀར་མཛེས་ཞེས་པའི་རྒྱུད་རིམ་རིག་རྩལ་འཁྲབ་སྟོན་གཟབ་རྒྱས་ངང་སྤེལ་འགོ་ཚུགས་པ་རེད།    
ཐེངས་འདིའི་དཀར་མཛེས་ཁུལ་བཙུགས་ནས་ལོ60འཁོར་བའི་རིག་རྩལ་མཉམ་འཁྲབ་སྟོན་མོ་ཚོན་མདོག་རྣམ་པར་བཀྲ་བའི་དཀར་མཛེས་ནི་རྫོང་ཁག་སོ་སོ་ནས་ཡོང་བའི་འཁྲབ་སྟོན་པ་སྟོང་ཕྲག་ལྷག་དར་མདོ་རུ་འཛོམས་ཏེ་སྤྲོ་སེམས་འཁོལ་བའི་ངང་ནས་ཁུལ་འཛུགས་དུས་སྟོན་ལ་རྟེན་འབྲེལ་ཞུ་བ་རེད།གར་སྟེགས་སུ་འཆོར་སྒེག་གི་གར་དང་སྙན་འཇེབས་ཀྱི་གླུའི་རིག་རྩལ་ལེ་ཚན150ལྷག་ཕུལ་རྒྱུ་ཡིན་ཞིང་།ཉིན་འདིར་ཕག་ཕྲེང་རྫོང་དང་བརྒྱད་ཟིལ་རྫོང་།སེར་ཤུལ་རྫོང་།འདབ་པ་རྫོང་།ཉག་ཆུ་རྫོང་བཅས་རྫོང་ཁག་ལྔ་ནས་ཡོང་པའི་འཁྲབ་སྟོན་ཚོས་རང་རང་གི་ཁྱད་ཆོས་མངོན་པར་མཚོན་པའི་གླུ་གར་རྣམས་ལྟད་མོ་ཚོའི་ཡིད་དབང་རབ་ཏུ་འཕྲོག་པ་རེད།