ཉེ་ལམ།  མཚོ་སྔོན་ཞིང་ཆེན་ཡུལ་ཤུལ་གནོད་འཚེ་ས་ཁུལ་གྱི་བོད་སྐད་ཡིག་དགེ་རྒན་གྱི་ཕྱོགས་ཡོངས་སློབ་གསོའི་ཆུ་ཚད་དང་ནུས་ཤུགས་མཐོར་འདེགས་བྱེད་པར།  ཟི་ལིང་གངས་ཅན་སློབ་གསོ་གསོ་སྦྱོང་སློབ་གྲྭ་དང་སེ་ཝ(SEVA)ཐེབས་རྩ་ཚོགས་པ་གཉིས་མཉམ་འབྲེལ་གྱིས་ཡུལ་ཤུལ་གནོད་འཚེ་ས་ཁུལ་གྱི་བོད་སྐད་ཡིག་དགེ་རྒན་ལ་དུས་ཡུན་ཉིན་གསུམ་གྱི་གསོ་སྦྱོང་གནང་།

ཐེངས་འདིའི་གསོ་སྦྱོང་སློབ་གྲྭས་མཚོ་སྔོན་དགེ་ཐོན་སློབ་ཆེན་དང་སློབ་ཆེན་གཞན་གྱི་ཉམས་མྱོང་ཕུན་སུམ་ཚོགས་པའི་ཆེད་མཁས་དང་དགེ་རྒན་ཆེན་མོ་གདན་དྲངས་ཏེ་འཆད་ཁྲིད་གནང་བ་དང་།  ཉམས་མྱོང་མཚམས་སྦྱོར་དང་ཕན་ཚུན་འབྲེལ་འདྲིས་སོགས་ཀྱི་གོ་རིམ་བརྒྱུད།  གསོ་སྦྱོང་ལ་ཞུགས་པའི་སློབ་གཉེར་བ་དག་གིས་རང་འགུལ་སྒོས་དེང་རབས་སློབ་གསོའི་གཞུང་ལུགས་དང་བྱེད་ཐབས་སོགས་སློབ་སྦྱོང་དང་ཁོང་དུ་ཆུད་པར་བྱས་ཏེ་རང་ཉིད་ཀྱི་སློབ་གསོའི་ལས་གནས་སུ་སྔར་ལས་ལྷག་པར་གསར་གཏོད་ཀྱི་གྲུབ་འབྲས་ལེགས་པོ་ལེན་པར་རྨང་གཞི་བཏིངས།
   གསོ་སྦྱོང་ལ་ཞུགས་མཁན་དག་གིས་མཐའ་གཅིག་ཏུ་བསམ་དོན། ཐེངས་འདིའི་གསོ་སྦྱོང་དགེ་རྒན་རྣམས་ནི་ཆེད་ལས་ཀྱི་རང་བཞིན་དྲག་ཅིང་བསླབ་གཞི་བཀོད་སྒྲིག་ལེགས་པ་མ་ཟད། རྗེས་ཕྱོགས་བོད་སྐད་ཡིག་སློབ་གསོ་བྱ་བའི་ཁ་ཕྱོགས་དང་དམིགས་ཡུལ་གསལ་གཏན་བྱས་པར་འདོད།

གསོ་སྦྱོང་ཡུལ་དངོས།