ཟླ་དགུ་པའི་ཚེས་ཉི་ཤུའི་ཉིན་གྱི་སྔ་དྲོར། ཀྲུང་གོ་ལྕགས་ལམ་ཀུང་ཟིས་འཛུགས་སྐྲུན་བྱས་པའི་ཡུས་ཧྲུའུ་རྫོང་ར་ཕྱུག་ཞོལ་མ་གྲོང་བརྡལ་གྱི་རོང་འབྲོག་ཁྱིམ་ཚང་བཞི་བརྒྱ་དང་དྲུག་ཅུ་རེ་དྲུག་་སྡོད་ཁང་གསར་བའི་ནང་གནས་སྤོར་བའི་མཛད་སྒོ་བསྡུས།

ར་ཕྱུག་ཞོལ་མ་གྲོང་བརྡལ་དེ་ཡུས་ཧྲུའུ་ཡུལ་དང་རྫོང་སྲིད་གཞུང་དང་བར་ཐག་སྤྱི་ལེ་བརྒྱ་དང་སུམ་ཅུའི་མཚམས་སུ་་ཡོད་ལ། མཚོ་ངོས་ལས་མུས་སྟོང་བཞི་དང་ཉིས་བརྒྱས་མཐོ་པས་བཟོ་སྐྲུན་འཛུགས་སྐྲུན་བྱེད་པར་དཀའ་ཁག་ཧ་ཅང་ཆེ། ན་ནིང་གི་ཟླ་བཅུ་བའི་ཚེས་ཉེར་གཉིས་ཉིན། ར་ཕྱུག་ཞོལ་མའི་རོང་འབྲོག་པའི་སྡོད་ཁང་བཟོ་སྐྲུན་བྱེད་པའི་བྱ་བ་ཕྱོགས་ཡོངས་ནས་འགོ་བརྩམས། ན་ནིང་གི་ཟླ་བཅུ་གཅིག་པར་ཡུས་ཧྲུའུ་གནོད་ཐེབས་ས་ཁུལ་དུ་གྲང་ངར་ཧ་ཅང་ཆེ་བས་ལས་ཀ་མཚམས་བཞག་ནའང་ཀྲུང་གོ་ལྕགས་ལམ་ཀུང་ཟིས་ཡུས་ཧྲུའུ་གནོད་འཚེའི་རྗེས་ཀྱི་བསྐྱར་འཛུགས་བཀོད་འདོམས་པུའུ་ཡིས་མུ་མཐུད་དུ་ལས་བཟོ་བ་རྩ་འཛུགས་བྱས་ཏེ་རྗེས་ཕྱོགས་ཀྱི་བཟོ་སྐྲུན་བྱ་བའི་ཐད་ཇུས་འགོད་དང་འཆར་གཞི་ཞིབ་རྒྱས་བཀོད་ནས་འཛུགས་སྐྲུན་བྱ་བ་དུས་ལྟར་ཡོངས་འགྲུབ་བྱེད་པར་རྨང་གཞི་བཟང་བོ་ཞིག་བཏིང་།