ཚེས་བཅུ་དྲུག་ཉིན་གྱི་སྔ་དྲོར། ཧྲན་ཏུང་ཞིང་ཆེན་ཐེ་ཨན་བེ་ཡའེ་རྣོ་ལྕགས་ཀུང་ཟི་དང་ཀྲུང་གོ་འཛུགས་སྐྲུན་དངུལ་ཁང་ཐེ་ཨན་དངུལ་ཁང་ནས་ཡོང་བའི་ལས་བཟོ་བ་རྣམས་ས་ཐག་རིང་བོར་མ་འཛེམ་པར་རླངས་འཁོར་ལ་བསྡད་དེ་མཚོ་སྔོན་ཞིང་ཆེན་ཡུས་ཧྲུའུ་བོད་རིགས་རང་སྐྱོང་ཁུལ་གྱི་སྐྱེ་རྒུ་གྲོང་རྡལ་ནས་སྤྱེ་ལེ་དགུ་བཅུ་ཡོད་སའི་ཡུས་ཧྲུའུ་རྫོང་རག་སྟོད་ལྟེ་གནས་བཅའ་སྡོད་སློབ་ཆུང་དང་། ཁྲ་རིགས་སློབ་ཆུང་། རིལ་མ་སྟོད་མ་སློབ་ཆུང་བཅས་སུ་སོང་ནས་དེར་སློབ་སྦྱོང་དང་འཚོ་བ་རོལ་བཞིན་པའི་དགེ་སློབ་རྣམས་ལ་འཚམས་འདྲི་བྱས།

རྒྱུས་ལོན་བྱུང་བ་ལྟར་ན། རེབ་འདིའི་ཡུས་ཧྲུའུ་ལ་གཅེས་སེམས་འབུལ་བའི་བྱ་འགུལ་དེར། ཧྲན་ཏུང་ཐེ་ཨན་བེ་ཡའེ་རྣོ་ལྕགས་ཀུང་ཟི་དང་ཀྲུང་གོ་འཛུགས་སྐྲུན་དངུལ་ཁང་ཐེ་ཨན་དངུལ་ཁང་གཉིས་ཀྱི་བྱམས་ལྡན་མི་སྣས་ཕུལ་བའི་དཔེ་ཁུག་དང་། ཞ་སྨྱུག  དཔེ་ཆ་སོགས་སློབ་སྦྱོང་གི་ཡོ་བྱད་བྱིན་པ་མ་ཟད་ད་རུང་བྱིས་པ་སུམ་ཅུར་མི་རེར་སྒོར་མོ་སུམ་བརྒྱའི་སློབ་ཡོན་རོགས་སྐྱོར་བྱས། 

བྱིས་པ་རྣམས་སློབ་གྲྭར་ཞུགས་ཐུབ་པ་དང་དཔེ་ཆ་འདོན་ཐུབ་པར་བྱེད་ཆེད། རོགས་སྐྱོར་མི་སྣ་ཧྲན་ཏུང་ནས་ཆེད་དུ་མཚོ་སྔོན་ཞིང་ཆེན་ཡུས་ཧྲུའུ་ཁུལ་དུ་ཡོང་ནས་བྱིས་པ་རྣམས་ལ་སློབ་སྦྱོང་དང་འཚོ་བའི་ཉེར་མཁོའི་དངོས་རྫས་སྣ་ཚོགས་འཁྱེར་ཡོང་བ་དང་། དེའི་དམིགས་ཡུལ་ནི་བྱིས་པ་རྣམས་ཀྱི་སློབ་སྦྱོང་གི་ཁོར་ཡུག་དང་འཚོ་བའི་ཆ་རྐྱེན་ཇེ་བཟང་ཏུ་གཏོང་བ་དང་། བྱིས་པ་སྔར་ལས་མང་པོ་ཞིག་སློབ་གྲྭར་ཞུགས་ཐུབ་པར་རོགས་རམ་བྱེད་རྒྱུ་དེ་རེད།