ཡུས་ཧྲུའུ་མ་འགྱེལ་ན་མཚོ་སྔོན་རྟག་ཏུ་བརྟན་ཞེས་པའི་ཡུས་ཧྲུའུ་ས་འགུལ་གྱི་ཡོམ་འགོག་རྒུད་སྐྱོབ་བྱ་བ་ནང་དོན་གཙོ་བོ་ཡིན་པའི་འགྲེམ་སྟོན་དེ་ཟླ8པའི་ཚེས17ཉིན་ཀྲུང་གོ་མི་དམངས་གསར་བརྗེའི་དམག་དོན་རྟེན་མཛོད་ཁང་ནས་འགྲེམ་སྟོན་བྱེད་མགོ་བརྩམས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཧོས་ལིང་ཡུས་འགྲེམ་སྟོན་གྱི་མགོ་རྩོམ་པའི་མཛད་སྒོར་ཞུགས་པ་དང་། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི། ཀྲུང་དབྱང་དྲིལ་སྒྲོག་པུའུ་ཡི་པུའུ་ཀྲང་ལིག་ཡུན་ཧྲན་མཛད་སྒོར་ཞུགས་པར་མ་ཟད་གཏམ་བཤད།

    ལིག་ཡུན་ཧྲན་གྱིས་བཤད་རྒྱུར། ཐེངས་འདིའི་འགྲེམ་སྟོན་བྱེད་པ་དེས་དམངས་སེམས་གཅིག་སྒྲིལ་བྱེད་པ་དང་དཀའ་ཁག་ལ་མ་འཛེམས་པ། དཔའ་ངར་ཞུམ་བ་མེད་པ། མི་གཙོ་བོར་འཛིན་པ། ཚན་རིག་ལ་བརྩི་འཇོག་བྱེད་པ་བཅས་ཡོམ་འགོག་རྒུད་སྐྱོབ་བྱ་བའི་རླབས་ཆེན་སྙིང་སྟོབས་འདོན་སྤེལ་གང་ལེགས་བྱས་ནས། རྒྱ་ཆེའི་མི་དམངས་མང་ཚོགས་རྣམས་ཀྱིས་བཅོས་སྒྱུར་སྒོ་འབྱེད་དང་དེང་རབས་ཅན་གྱི་འཛུགས་སྐྲུན་ལ་སྐུལ་འདེད་གཏོང་བར་ཡང་བསྐྱར་བྱས་རྗེས་གསར་བ་འཇོག་དགོས་པའི་སྐུལ་མ་གཏོང་རྒྱུ་དེ་ཡིན་ཟེར།

    ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཨུ་ཡོན་ལིས་ཅི་ནེ་འགྲེམ་སྟོན་གྱི་མགོ་རྩོམ་པའི་མཛད་སྒོར་ཞུགས། ཀྲུང་དབྱང་དང་རྒྱལ་ཁབ་ལས་ཁུངས་ཀྱི་འབྲེལ་ཡོད་སྡེ་ཁག་དང་མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་པདྨ་འགྲེམ་སྟོན་གྱི་མགོ་རྩོམ་པའི་མཛད་སྒོར་ཞུགས།

    ཐེངས་འདིའི་འགྲེམ་སྟོན་དེ་ཀྲུང་དབྱང་དྲིལ་སྒྲོག་པུའུ་དང་ཀྲུང་དབྱང་འཐབ་ཕྱོགས་གཅིག་གྱུར་པུའུ། ཀྲུང་དབྱང་ཕྱི་ཕྱོགས་དྲིལ་སྒྲོག་གཞུང་སྒྲུབ་ཁང་། རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་། ཞིན་ཧྭ་གསར་འགྱུར་ཁང་། བཅིངས་འགྲོལ་དམག་སྤྱིའི་ཆབ་སྲིད་པུའུ། མཚོ་སྔོན་ཞིང་ཆེན་ཏང་ཨུ་བཅས་ཀྱིས་མཉམ་འབྲེལ་སྒོས་བསྒྲུབས་པ་རེད། །