ཡུས་ཧྲུའུ་བོད་རིགས་རང་སྐྱོང་ཁུལ་གྱིས་ཧུར་བརྩོན་ཆེན་པོས་གནོད་འཚེའི་རྗེས་ཀྱི་བསྐྱར་འཛུགས་སྲིད་ཇུས་དྲིལ་སྒྲོག་བྱེད་ཆེད། གནོད་འཚེའི་རྗེས་ཀྱི་བསྐྱར་འཛུགས་སྲིད་ཇུས་སྣ་ཚོགས་ཕན་འབྲས་ལྡན་པའི་སྒོ་ནས་ལག་བསྟར་དངོས་འབེབས་བྱས།

    རྒྱུས་ལོན་བྱུང་བའི་གནས་ཚུལ་ལྟར་ན། ཟླ7པའི་ཟླ་སྨད་ནས་བཟུང་། ཡུས་ཧྲུའུ་ཁུལ་གྱི་རིམ་པ་སོ་སོའི་ལས་བྱེད་པས་རྣམ་པ་མི་འདྲ་བའི་སྒོ་ནས་ཁས་ལེན་དམ་བཅའ་བྱས་ཏེ་རང་རང་གི་འགན་འཁྲི་སྣ་ཚོགས་གསལ་བོར་བྱས། ཐིན་རིམ་པའི་ལས་བྱེད་པ28ཀྱིས་ཏང་ཡོན་ལས་བྱེད་པའི་སྣེ་ཁྲིད་ཀྱི་ནུས་པ་ཇི་ལྟར་འདོན་སྤེལ་བཟང་བོ་བྱེད་པར་དམིགས་ནས། སླར་གསོ་བསྐྱར་འཛུགས་བྱ་བའི་སྲིད་ཇུས་སྣ་ཚོགས་བདེ་བླག་ངང་ལག་བསྟར་བྱེད་པར་ཡར་སྐུལ་བྱས། སྐྱེ་རྒུ་གྲོང་བརྡལ་སྡོད་ཁུལ་དོ་དམ་ཨུ་ཡོན་ལྷན་ཁང་གིས་སྡོམ་པས་དོ་དམ་ཨུ་ཡོན་ལྷན་ཁང་དང་སྡེ་བའི་ལས་བྱེད་པར་སྐུལ་སློང་བྱེད་པའི་ཚོགས་འདུ32བསྡུས་ནས་གནས་བབ་ལ་དབྱེ་ཞིབ་དང་སྲིད་ཇུས་དྲིལ་སྒྲོག་བྱས། དེ་དང་མཉམ་དུ་ད་དུང་ནང་བསྟན་མཐུན་ཚོགས་ཀྱི་ལས་འཛིན་ལྷན་ཚོགས་བསྡུས་ནས་ཆོས་ལུགས་མི་སྣས་ནུས་པ་འདོན་སྤེལ་བྱས་ཏེ། སྲིད་ཇུས་ལ་རྒྱབ་སྐྱོར་དང་སྲིད་ཇུས་དྲིལ་སྒྲོག་བྱེད་པ། སྲིད་ཇུས་དངོས་འབེབས་བྱེད་པ་བཅས་ལ་རེ་བ་ཞིབ་རྒྱས་བཏོན་ཏེ། བསམ་བློའི་ངོས་ཟིན་གཅིག་གྱུར་དང་སྲིད་ཇུས་སྣ་ཚོགས་བདེ་བླག་ངང་ལག་བསྟར་དངོས་འབེབས་བྱེད་པར་ཁག་ཐེག་བྱས། །