ཟླ་བ7པའི་ཚེས30ཉིན།ཀྲེ་ཅང་དང་སི་ཁྲོན་ཤར་ནུབ་དབུལ་སྐྱོར་མཐུན་སྦྱོར་ལས་ཀའི་གྲོས་ཚོགས་དང་《ཀྲེ་ཅང་དང་སི་ཁྲོན་ཤར་ནུབ་དབུལ་སྐྱོར་མཐུན་སྦྱོར་ལས་ཀའི་གྲོས་གཞི》འཇོག་པའི་མཛད་སྒོ་དེ་ཁྲེང་ཏུའུ་རུ་སྤེལ་བ།ཕྱོགས་གཉིས་ཀས་དབུལ་སྐྱོར་མཐུན་སྦྱོར་ལས་ཀའི་གྲོས་གཞི་བཞག་པ་རེད།2013ལོ་ནས་བཟུང་།ཀྲེ་ཅང་ཞིང་ཆེན་གྱི་གྲོང་ཁྱེར7དང་རྫོང32ཀྱིས་སི་ཁྲོན་བོད་ཁུལ་གྱི་ཁུལ2དང་རྫོང32（དེའི་ནང་དཀར་མཛེས་ཁུལ་གྱི་རྫོང་ཁག18དང་རྔ་བ་ཁུལ་གྱི་རྫོང་ཁག13།ལིའང་ཧྲན་ཁུལ་གྱི་མུ་ལི་རྫོང་འདུས་ཡོད།）ལ་རིགས་མཐུན་རོགས་སྐྱོར་བྱ་རྒྱུ་རེད།དེའི་ནང་ཧང་ཀྲོའུ་དང་ཧུའུ་ཀྲོའུ།ཧྲའོ་ཞིན།ཅིན་ཧྭ་གྲོང་ཁྱེར་གྱིས་དཀར་མཛེས་ཁུལ་དང་ལིའང་ཧྲན་ཁུལ་གྱི་མུ་ལི་རྫོང་ལ་རོགས་སྐྱོར་བྱ་རྒྱུ་དང་།ཝུན་ཀྲོའུ་དང་ཅ་ཞིན།ཐའེ་ཀྲོའུ་བཅས་གྲོང་ཁྱེར་གྱིས་རྔ་བ་ཁུལ་ལ་རོགས་སྐྱོར་བྱ་རྒྱུ་རེད།
    གྲོས་མཐུན་ཡི་གེའི་ཐོག་བཀོད་པར་གཞིགས་ན།2013ལོ་ནས་བཟུང་།ཀྲེ་ཅང་ཞིང་ཆེན་གྱིས་ལོ་རེར་སི་ཁྲོན་བོད་ཁུལ་ལ་རོགས་སྐྱོར་མ་དངུལ་སྒོར་ཁྲི1.37བཀོད་སྒྲིག་བྱ་རྒྱུ།དེ་ཞིང་ཆེན་དང་གྲོང་ཁྱེར།རྫོང་བཅས་རིམ་པ་གསུམ་གྱི་ཐུན་མོང་དུ་གྲབས་གསོག་བྱ་རྒྱུ།རོགས་སྐྱོར་ལས་འགན་ཁུར་མཁན་རྫོང་ཚང་མས་ལོ་རེར་མ་དངུལ་སྒོར་ཁྲི300བཏང་ནས་སོ་སོའི་རིགས་མཐུན་རོགས་སྐྱོར་བྱེད་ཡས་རྫོང་ལ་སྤྲད་རྒྱུ།རིམ་པ་རང་ཉིད་ཀྱི་གྲོང་ཁྱེར7གྱིས་ལོ་རེར་སྒོར་ཁྲི300བཏང་ནས་རིམ་པ་རང་ཉིད་ཀྱི་ཁུལ་སོ་སོར་རིགས་མཐུན་རོགས་སྐྱོར་བྱ་རྒྱུ།ཞིང་ཆེན་ནོར་སྲིད་ནས་སྒོར་ཁྲི2000བཏང་ནས་རིགས་མཐུན་རོགས་སྐྱོར་ས་ཁུལ་གྱི་རོགས་སྐྱོར་རྣམ་གྲངས་ཅུང་ཆེན་པོ་དང་ཤེས་ལྡན་མི་སྣ་གསོ་སྐྱོང་བྱ་རྒྱུ་སོགས་ལ་སྤྱོད་རྒྱུ་རེད།
    དུས་མཚུངས་སུ་སི་ཁྲོན་བོད་ཁུལ་གྱི་ཁྱད་ཆོས་དང་ཟུང་འབྲེལ་བྱས་ནས་ཚན་རིག་དང་མཐུན་པའི་འཆར་འགོད་དང་གཙོ་གནད་མངོན་གསལ་དོད་པོ།ཡུལ་བབ་དང་སྟུན་པ།ཕན་འབྲས་དངོས་ལ་དོ་ཁུར་བཅས་བྱས་ནས་གཙོ་གནད་དམངས་འཚོ་དང་ཤེས་ལྡན་མི་སྣ།ཐོན་ལས་བཅས་རྣམ་གྲངས་གསུམ་གྱི་ལས་གྲྭ་བཟོ་སྐྲུན་བྱ་རྒྱུ་ཡིན་ནོ།
    ཞིང་ཆེན་ཏང་ཨུའི་རྒྱུན་ཨུ།ཞིང་ཆེན་ཏང་ཨུའི་ཞིང་ལས་ལས་དོན་ཨུ་ལྷན་གྱི་ཀྲུའུ་རེན་ལི་ཁྲང་ཕིང་དང་ཀྲེ་ཅང་ཞིང་ཆེན་སྲིད་གཞུང་གི་ཞིང་དཔོན་གཞོན་པ་ཞུང་ཅན་ཕིང་།སི་ཁྲོན་ཞིང་ཆེན་སྲིད་གཞུང་གི་ཞིང་དཔོན་གཞོན་པ་ཆུས་མུ་སི་ཧ་བཅས་གྲོས་ཚོགས་ནང་ཕེབས་པ།
    ཁུལ་ཨུའི་ཧྲུའུ་ཅི་ཧུའུ་ཁྲང་ཧྲེང་གིས་རང་ཁུལ་གྱི་ཚབ་ཞུས་ནས་གཏམ་བཤད་ཞུས་པ།ཁོང་གིས་ལོ་གསུམ་ནང་ཀྲེ་ཅང་ཞིང་ཆེན་ཏང་ཨུ་དང་སྲིད་གཞུང་གིས་རང་ཁུལ་གྱི་འཕེལ་རྒྱས་ལ་རྒྱབ་སྐྱོར་ཆེན་པོ་གནང་བར་ཐུགས་རྗེ་ཆེ་ཞུ་བ་དང་དཀར་མཛེས་ཁུལ་གྱི་མི་དམངས་ཁྲི110གི་ཚབ་ཞུས་ནས་ཀྲེ་ཅང་ཞིང་ཆེན་ཏང་ཨུ་དང་སྲིད་གཞུང་།ཀྲེ་ཅང་གི་མི་དམངས་ལ་ཐུགས་རྗེ་ཆེ་ཞུས།ང་ཚོས་ཕྱིན་ཆད་ལ་ལས་ཀ་དེ་བས་ཡག་མོ་བསྒྲུབས་ནས་ཞིང་ཆེན་གཉིས་ཀྱི་འགོ་ཁྲིད་དང་ཀྲེ་ཅང་མི་དམངས་ལ་དྲིན་ལན་འཇལ་རྒྱུ་ཡིན།ང་ཚོས་ངེས་པར་དུ་གཅེས་སེམས་འབུལ་བར་དེ་བས་གཅེས་འཛིན་བྱེད་པ་དང་ངེས་པར་དུ་མ་སྐུལ་དང་བླངས་ཀྱིས་རིགས་མཐུན་རོགས་སྐྱོར་འབྲེལ་མཐུན་བྱེད་པ།ང་ཚོས་ངེས་པར་དུ་སྒྲིག་འཛུགས་ནུས་ལྡན་དང་དོ་དམ་ནན་པོ།ཚན་རིག་དང་མཐུན་པའི་ནང་རྐྱེན་བཙུགས་ནས་བྱ་བ་ཡག་མོ་སྒྲུབ་པ།ང་ཚོས་ངེས་པར་དུ་བཀའ་དྲིན་གཟོ་བའི་བསམ་པ་ཁྱེར་ནས་དཀར་མཛེས་ཁུལ་གྱི་གང་ཅིའི་ལས་ཀར་སྐུལ་འདེད་གཏོང་བ་བཅས་བྱས་ནས་ཟམ་མི་ཆད་པར་འཕེལ་རྒྱས་ཀྱི་གོམ་སྟབས་མགྱོགས་སུ་བཏང་སྟེ2020ལོར་རྒྱལ་ཡོངས་དང་ཞིང་ཆེན་ཡོངས་དང་འཕེལ་རྒྱས་གོམ་བགྲོད་འདྲ་མཉམ་ཡོང་གང་ཐུབ་བྱ་རྒྱུ་ཡིན་ཞེས་ཞུས་པ་རེད།
    ཁུལ་སྲིད་གཞུང་གི་ཁུལ་དཔོན་གཞོན་པ་ཧྲུའུ་ཏ་ཁྲུན་དང་ཁུལ་དབུལ་སྐྱོར་གནས་སྤོ་ཅུས་ཀྱི་འགན་ཁུར་མི་སྣ་གྲོས་ཚོགས་ནང་ཞུགས་ཡོད།