ཉེ་ཆར། ལུའུ་ཀྲོའུ་རུ་བཙུགས་པའི་ཀྲུང་གོའི་ལྷོ་ནུབ་ཚོང་རྫས་དངོས་མང་སྟོན་ཚོགས་མཇུག་བསྒྲིལ་བ་རེད། རང་ཁུལ་གྱི་ཚོང་བདག10ཡི་ཚོང་རྫས200ལྷག་འགྲན་ཚོགས་སུ་སྟོན་ཞིང་གདེང་འཇོག་ཡག་པོ་ཐོབ། ཡུལ་དངོས་སུ་ཚོང་རྫས་ཤིན་ཏུ་བྲིན་པ་ཕུད།དེ་མིན་དཀར་མཛེས་ཁུལ་ཧྲེན་ཡོན་ཟས་རིགས་ལས་སྣོན་བཟོ་གྲྭ་དང་ལུའུ་ཀྲོའུ་ཁྱད་ལྡན་ཚོང་རྫས་ཚོང་གཉེར་ལྟེ་གནས་བར་ལས་ཚབ་བྱས་ནས་གཡག་ཤ་ཚོང་བའི་གན་རྒྱ་བཞག་པ་རེད།
    ཐེངས་འདིའི་ལུའུ་ཀྲོའུ་ལྷོ་ནུབ་དངོས་མང་སྟོན་ཚོགས་ཀྱི་བརྗོད་བྱ་གཙོ་བོ་ནི་གློག་རྡུལ་ཚོང་ལས་དཔའ་རྩལ་འགྲན་ཚོགས་ཞེས་པ་དེ་ཡིན་ཞིང་།གློག་རྡུལ་ཚོང་ལས་པ་ལྷན་འཛོམས་བྱས་པའི་ཁྲོད་མན་དབྱང་ས་ཁུལ་གྱི་གྲོང་ཁྱེར་སྲིད་གཞུང་གིས་གཙོ་གནད་རྒྱབ་སྐྱོར་བྱེད་པའི་གློག་རྡུལ་ཚོང་ལས་ཚོགས་པ་སྟེ་ཅང་ཏོའུ་དྲ་བས་རང་ཁུལ་གྱི་ཞིང་ཞོར་ཡུལ་ཐོན་ཁྱད་རྫས་ལ་དང་དོད་ཆེན་པོ་བྱས་ཤིང་ཁོ་ཚོས་མི་རིགས་ཚོང་རྫས3Dབརྒྱུད་ལམ་ལ་བརྟེན་པའི་གློག་རྡུལ་ཚོང་གཉེར་བྱེད་སྟངས་གསར་པ་སྤྱད་ནས་ལྗོངས་རྒྱུ་རིག་གནས་དང་ཚོང་རྫས་ཚོང་གཉེར་བར་འབྲེལ་སྦྱོར་དམ་པོ་བྱས་པ་རེད།མིག་སྔར་ཁེ་ལས་འདི་དང་རང་ཁུལ་གྱི་ཚོགས་ཞུགས་ཚོང་བདག་བར་མཐུན་སྦྱོར་དང་བརྗེ་རེས་བྱེད་སྒང་ཡིན་ལ་རང་ཁུལ་ཞིང་ལས་ཐོན་རྫས་ཚོང་གཉེར་གྱི་གློག་རྡུལ་ཚོང་ལས་གཞི་སྟེགས་ཤིག་འཛུགས་རེ་ཡོད་པ་རེད།