ཉེ་ཆར་དར་མདོ་རྫོང་བཟོ་ཚོང་ཅུས་ཀྱིས་སྔར་ལྷག་གིས་བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་སློབ་གསོ་བྱེད་ཁྱོན་ཆེ་རུ་བཏང་ནས།ཡང་དག་པའི་སྒོ་ནས་རྒྱ་ཆེ་བའི་མི་དམངས་མང་ཚོགས་ལ་བརྒྱུད་འཚོང་གི་གནོད་སྐྱོན་རང་བཞིན་ངོས་འཛིན་གང་ལེགས་བྱ་རྒྱུ་ཁྲིད་སྟོན་བྱེད་པ་དང་།རང་རྟོགས་ཀྱིས་བརྒྱུད་འཚོང་བྱེད་པར་ཉེན་ཟོན་དང་ཚོད་འཛིན་བྱེད་ཅིང་བརྒྱུད་འཚོང་རྩ་འཛུགས་སིམ་འཛུལ་དང་གང་སར་མཆེད་འགྲོ་བར་སྔོན་འགོག་བཅས་བྱེད་ཆེད།ཁོངས་གཏོགས་ས་ཁུལ་དུ་བྱེད་སྟངས་སྣ་མང་གི་ཐོག་ནས་བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་བྱེད་སྒོ་སྤེལ་བ་རེད།
    བསྡོམས་རྩིས་བྱས་པར་གཞིགས་ན།ཐེངས་འདིའི་བྱེད་སྒོ་ཁྲོད་བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་མི་སྣ་ཁྱོན་བསྡོམས་མིའི་ཐེངས་གྲངས20མངགས་པ་དང་།བཅར་འདྲི་བྱེད་མཁན་མང་ཚོགས40ལྷག་སྣེ་ལེན་བྱས།དྲིལ་བསྒྲགས་ཀྱི་འཕྲེད་འགེལ་སྦྱར་ཡིག1དཔྱངས་ཤིང་། 《བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་དཔྱད་ཡིག་དང་ལག་དེབ》། བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་པར་རིས་སོགས་རིགས་སྣ་ཚོགས་ཀྱི་དྲིལ་བསྒྲགས་དཔྱད་ཡིག500ལྷག་བཀྲམ་སར་མངགས་པ་དང་།བརྒྱུད་འཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་སློབ་གསོའི་བྱེད་སྒོ་དེ་འདུས་ཁུལ་དང་། ཞིང་སྡེ། སློབ་གྲྭ ཚོང་ར། ཁེ་ལས་བཅས་ཁག་ལྔ་ལ་སྤེལ་ཞིང་མང་ཚོགས་ལ་ཡོངས་ཁྱབ་ཏུ་གང་འདྲ་ཞིག་ལ་བརྒྱུད་འཚོང་ཟེར་བ་དང་། བརྒྱུད་ཚོང་གི་མཚོན་ཚུལ་དང་།ཁྱད་ཆོས།ཉེན་སྐྱོན་སོགས་ཀྱི་ཤེས་བྱ་གང་འདྲ་ཡིན་པ་དྲིལ་བསྒྲགས་བྱས་པ་དང་ཆབས་ཅིགཅུས་དེས་ཁྲིམས་འཛིན་མི་སྣ་སྒྲིག་འཛུགས་བྱས་ཏེ་ཁོངས་གཏོགས་ས་ཁུལ་གྱི་ཁེ་ལས་ཆེ་འབྲིང་དུ་ཕྱིན་ནས་བརྒྱུད་ཚོང་བྱེད་པར་རྡུང་རྡེག་གཏོང་བའི་དྲིལ་བསྒྲགས་བྱེད་སྒོ་སྤེལ་བ་དང་།ཁེ་ལས་ལ་ཁྲིད་སྟོན་བྱས་ཏེ་ལས་བཟོས་བརྒྱུད་ཚོང་ལ་དོགས་ཟོན་བྱ་རྒྱུ་སློབ་གསོ་བྱེད་པར་ཤུགས་སྣོན་བརྒྱབ་ལ་བརྒྱུད་ཚོང་རྩ་འཛུགས་ཀྱིས་ཁེ་ལས་ནང་ཁུལ་དུ་སིམ་འཛུལ་བྱེད་པར་སྔོན་འགོག་བྱས་ཏེ་སྤྱི་ཚོགས་ཡོངས་ཀྱིས་བརྒྱུད་ཚོང་བྱེད་པར་ཚོད་འཛིན་བྱེད་པའི་རྣམ་པ་བཟང་པོ་བསྐྲུན་པ་རེད།།