ཉེ་ཆར། སེར་ཤུལ་རྫོང་གིས་དམངས་ཡོངས་ཀྱི་འོས་འགན་སྡོང་འཛུགས་ནགས་བསྐྲུན་གྱི་གོམ་སྟབས་མགྱོགས་སུ་གཏོང་བ་དང་ནགས་བསྐྲུན་ལས་དོན་ཏན་ཏིག་ངང་སྤེལ་ནས་སྐྱེ་ཁམས་ལེགས་སུ་གཏོང་བའི་དུས་རབས་ཀྱི་འགན་འཁྲི་དང་ལོ་རྒྱུས་ཀྱི་འགན་འཁྲི་འཁུར་ཆེད། འོས་འགན་སྡོང་འཛུགས་བྱེད་སྒོ་སྤེལ་བ་རེད།

     བྱེད་སྒོའི་ཐོག་ཏུ་རྫོང་ཨུའི་ཧྲུའུ་ཅི་གཞོན་པ་རྫོང་མི་དམངས་སྲིད་གཞུང་གི་རྫོང་དཔོན་ཉི་ཚེ་དང་རྫོང་རིམ་པའི་མགོ་ཁྲིད་ཀྱིས་སྣེ་ཁྲིད་དེ་རྩེ་མདའ་ཡུལ་ཤོག་ཏུ་སྡོང་འཛུགས་བྱེད་སྒོར་ཞུགས་ནས་ལས་བྱེད་པ་དང་མང་ཚོགས། སློབ་མ་བཅས་ཀྱིས་མཉམ་དུ་འོས་འགན་སྡོང་འཛུགས་བྱས་ཏེ་སེར་ཤུལ་རྫོང་གི་འཛུགས་སྐྲུན་ལ་སླར་ཡང་སྔོ་ལྗང་གསར་པ་བཏོད་པ་རེད།

     སྡོང་འཛུགས་ནགས་བསྐྲུན་གྱི་ལས་ལ་གཞོལ་ནས་ས་གཞི་ཆེན་མོར་སྔོ་འགྱུར་བྱས་ཏེ་བྱས་རྗེས་དེང་འདིར་བཞག་ནས་ཕན་འབྲས་བསྐལ་བརྒྱར་གནས་ཞེས་པ་ལྟར། ཐེངས་འདིར་ལས་བྱེད་པ་དང་མང་ཚོགས། སློབ་མ་སོགས་ཁྱོན་མི200ལྷག་སྡོང་འཛུགས་བྱེད་སྒོར་ཞུགས་ནས་སྡོང་ཕྲུག་རྐང300ལྷག་ཙམ་བཙུགས་ཡོད་པ་རེད།