དེ་སྔོན《ཀྲུང་གོའི་རྒྱལ་ཁབ་ས་ཁམས》དུས་དེབ་ཏུ་གྱ་གྱུ་བོད་གྲོང་མཚོན་བྱེད་དུ་གྱུར་པའི་རོང་བྲག་རྫོང་གི་བོད་གྲོང་ནི་ཀྲུང་གོའི་ཆེས་མཛེས་ཤོས་ཀྱི་ཡུལ་སྡེའི་གནའ་གྲོང་ཆེན་པོ་དྲུག་གི་ཨང་དང་པོར་བདམས་ཡོད་པ་རེད།

སྟོན་དུས་སུ་རི་གྲོང་ལ་ཚོན་མདངས་ཕུན་སུམ་ཚོགས་ཤིང་མཛེས་སྡུག་ལྡན་པའི་རྣམ་པ་ཞིག་མངོན་པ་དང་། ཤིང་སྡོང་གི་སྔོ་ལྗང་ལོ་མ་རིམ་བཞིན་དམར་པོར་གྱུར་ཅིང་། རི་རྩེར་ཁ་བས་གོས་དཀར་བཀླུབས། ཞིང་རའི་རི་མོ་ལྟ་ན་སྡུག་པ་ཞིག་མི་ཚོའི་མིག་ལམ་དུ་བཤམས་ཏེ་སེམས་ཁམས་ལ་བདེ་སྐྱིད་ཀྱི་སྣང་བ་ཞིག་ངམ་ཤུགས་སུ་སྟེར།