1999ལོར་བློ་མཐུན་ཅང་ཙེ་མིང་གིས་མེན་དབྱང་གྲོང་ཁྱེར་དུ་རྟོག་ཞིབ་ཐེངས་གཉིས་པ་གནང་རྗེས་མེན་དབྱང་འཕེལ་རྒྱས་ཇེ་མགྱོགས་སུ་གཏང་རྒྱུའི་གནད་དོན་ཐད་སྔར་ལྷག་གིས་ཞིབ་འཇུག་བྱ་དགོས་ཞེས་མཛུབ་སྟོན་གནང་བ་རེད། 2000ལོའི་སྤྱི་ཟླ9པའི་ནང་བློ་མཐུན་ལི་ལན་ཆིང་གིས་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཚབ་མཛད་ནས་མེན་དབྱང་ཚན་རྩལ་གྲོང་ཁྱེར་འཛུགས་སྐྱོང་བྱ་རྒྱུའི་གལ་ཆེའི་ཐབས་ཇུས་བཏོན་པས་མ་ཚད། ཚན་རིག་ལག་རྩལ་པུའུ་སོགས་པུའུ་ཨུ10 (ད་ལྟ་ཁོངས་གཏོགས་སྡེ་ཚན18ཡོད)ལས་གྲུབ་པའི་མེན་དབྱང་ཚན་རྩལ་གྲོང་ཁྱེར་འཛུགས་སྐྱོང་བྱེད་མཁན་གྱི་མཐུན་སྦྱོར་ཚོགས་ཆུང་བཙུགས་ཡོད་པ་རེད། 2000ལོར་མེན་དབྱང་ཚན་རྩལ་གྲོང་ཁྱེར་བཙུགས་ནས་རང་རྒྱལ་གྱི་ཚན་རྩལ་གྲོང་ཁྱེར་ཉག་ཅིག་གྱུར་པ་རེད།།