ཟླ་བ5པའི་ཚེས16ཉིན་སྐབས་བཅུ་པའི་རིག་གནས་དངོས་མང་བཤམས་སྟོན་གྱི་རང་ཁུལ་གྱི་འཐུས་མི་ཚོགས་པས་གསར་འགྱུར་ཁྱབ་བསྒྲགས་ཚོགས་འདུ་དང་རྒྱལ་ཁབ་ཀྱི་བོད་རིགས།ཆང་རིགས་དབྱིས་རིགས་གསུམ་གྱི་རིག་གནས་ཐོན་ལས་དར་ཡུལ་གྱི་ལྟེ་གནས་ས་ཁུལ་དཀར་མཛེས་ཁུལ་གྱི་རིག་གནས་ལྗོངས་རྒྱུ་འཚམས་སྦྱོར་ངོ་སྤྲོད་ཚོགས་འདུ་འཚོགས་པ་རེད། རྒྱལ་ཁབ་ཕྱི་ནང་གི་སྨྱན་སྦྱོར་ལས་ཁུངས30ལྷག་ཙམ་ལ་དཀར་མཛེས་ཁུལ་གྱི་རིག་གནས་ལྗོངས་རྒྱུ་ཐོན་ཁུངས་བཤམས་སྟོན་བྱས་པ་དང་རིག་གནས་ལྗོངས་རྒྱུ་ཐོན་རྫས་ངོ་སྤྲོད་བྱེད་གང་ཐུབ་བྱས་པ་རེད།      ཁུལ་ཨུ་ཧྲུའུ་ཅི་གཞོན་པ།ཁུལ་དཔོན་ཡེ་ཤེས་ཟླ་བ།ཁུལ་ཨུའི་རྒྱུན་ལས་ཨུ་ཡོན།དྲིལ་བསྒྲགས་པུའུ་ཀྲང་། ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་བྱམས་བློ།ཁུལ་ཨུའི་རྒྱུན་ལས་ཨུ་ཡོན།ཁུལ་དཔོན་གཞོན་པ་ཀྲང་ཧའོ།ཁུལ་དཔོན་གཞོན་པ་ཀོ་ཉིང་།ཧྲེང་ཀྲེན་གྲོང་ཁྱེར་སྲིད་གཞུང་གི་དྲུང་ཡིག་ཆེན་པོ་གཞོན་པ་ཧོང་གོ་ཆཱང་།གྲོང་ཁྱེར་རིག་གནས་ལྗོངས་རྒྱུ་ཅུས་ཀྱི་སྐོར་སྐྱོད་པ་ཝང་རྨིང་བཅས་ཁྱབ་བསྒྲགས་ཚོགས་འདུར་ཞུགས་པ་རེད། ཧྥུང་ཧོང་དྲྭ་ཚུགས་སོགས་སྨྱན་སྦྱོར་ལས་ཁུངས་30ལྷག་གི་གསར་འགྱུར་ཐོ་འགོད་པ་དང་ཧྲེང་ཀྲེན་གྲོང་ཁྱེར་གྱི་ལྗོངས་རྒྱུ་སྣེ་ལེན་ཁང་སོ་སོའི་འཐུས་མི་གསར་འགྱུར་ཁྱབ་བསྒྲགས་ཚོགས་འདུར་ཞུགས་པ་རེད།
     གསར་འགྱུར་ཁྱབ་བསྒྲགས་ཚོགས་འདུའི་ཐོག    རང་ཁུལ་གྱི་འཐུས་མི་ཚོགས་པས་དཀར་མཛེས་ཁུལ་གྱིས་སྲིད་གཞུང་གི་རྩ་འཛུགས་ཚོགས་པའི་རྣམ་པའི་ཐོག་ནས་རིག་གནས་དངོས་མང་བཤམས་སྟོན་ནང་ཞུགས་པའི་གནས་ཚུལ་ཁྱབ་བསྒྲགས་བྱས་པ་རེད། རང་ཁུལ་གྱིས་འཛམ་གླིང་གི་ཁམས་པ།དྭངས་གཙང་གི་དཀར་མཛེས་ཁུལ་གྱིས་བརྗོད་བྱ་གཙོ་བོ་བྱས་ཏེ་ཐེངས་དང་པོར་རིག་གནང་དངོས་མང་བཤམས་སྟོན་ནང་ཞུགས་པ་ཡོད།ཐེངས་འདིའི་རྒྱལ་སྤྱི་ཅན་གྱི་རིག་གནས་བརྗེ་སྤེལ་བྱེད་རེས་བྱེད་སའི་གནས་གཞི་ལ་བརྟེན་ནས་མི་སྣ་དང་རྒྱུ་དངོས།མ་དངུལ།གཏོང་འཇོག་བྱེད་མཁན་དེ་བས་མང་པོ་ཞིག་ཁམས་པའི་ཕྱོགས་སུ་ནང་འགུག་བྱས་མཐར། ཆ་རྐྱེན་གསུམ་དམ་འཛིན་དང་རྣམ་པ་བཞིན་བཤམས་སྟོན།དམིགས་ཡུལ་ཆེན་པོ་གཉིས་མངོན་འགྱུར་བྱས་ནས་འཛམ་གླིང་རང་བཞིན་གྱི་གར་སྟེགས་ཐོག་ངོ་མཚར་ཡིད་དབང་འཕྲོག་པའི་རིག་གནས་བྱེད་སྒོ་རབ་དང་རིམ་པ་སྤེལ་རྒྱུ་ཡིན་པ་རེད། ཐེངས་འདིར་རང་ཁུལ་གྱིས་འཁྱེར་ཡོང་བའི་རྒྱལ་ཁབ་རིམ་པའི་དངོས་པོ་མིན་པའི་ཤུལ་བཞག་རིག་གནས་ཐོན་རྫས་སྣ་ཁ8དང་མཐོ་སྒང་གི་ལྷད་མེད་ཞིང་འབྲོག་ཡུལ་ཐོན་ཁྱད་རྫས་སྣ་ཁ8གསར་འགྱུར་ཁྱབ་བསྒྲགས་ཚོགས་འདུའི་ཐོག་ངོ་སྤྲོད་མདོར་བསྡུ་བྱས་པ་རེད། ཐོན་རྫས་འདི་དག་གིས་རང་ཁུལ་གྱིས་མི་རིགས་རིག་གནས་སྲུང་སྐྱོང་རྒྱུན་འཛིན་དང་ཁྱད་ཆོས་ལྡན་པའི་ཐོན་རྫས་ཚོང་ར་ཅན་གསར་སྦོལ་བཀོལ་སྤྱོད་བྱས་པའི་ཐད་འབད་བརྩོན་ལྷོད་མེད་བྱས་ཡོད་པ་མཚོན་པ་རེད།
     གསར་འགྱུར་ཁྱབ་བསྒྲགས་ཚོགས་འདུའི་ཐོག    འབྲེལ་ཡོད་འགན་འཁུར་མི་སྣས་ཁོངས་ཡོངས་ལྗོངས་རྒྱུ་དང་རང་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས།འདབ་པ་ཉི་སྟེན་མཛེས་ལྗོངས་ས་ཁུལ་གྱི་འཕེལ་རྒྱས་གནས་ཚུལ་དང་འཕེལ་རྒྱས་གཏོང་རྒྱུའི་བསམ་ཕྱོགས།དཀར་མཛེས་ཁུལ་གྱི་རིག་གནས་ལྗོངས་རྒྱུ་འཕེལ་རྒྱས་སོགས་ཀྱི་གནད་དོན་ཐད།ལྷོ་ཕྱོགས་ཉིན་རེའི་ཚགས་པར་དང་ཧྲེང་ཀྲེན་དགོང་དྲོ་ཚགས་པར་བཅས་ཀྱི་གསར་འགོད་པས་དྲི་བ་འདོན་པར་དྲིས་ལན་བཏབ་པ་རེད།