ཀྲུང་གོའི་བོད་ཀྱི་དྲ་བའི་འཕྲིན། ཟླ3པའི་ཚེས15ཉིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་ཟས་རིགས་སྨན་རྫས་ལྟ་སྐུལ་ཅུའུ་ཡིས་ད་ལོའི“འཛད་སྤྱོད་བཅའ་ཁྲིམས་གསར་བ་དང་ཁེ་དབང་གསར་བ།  འགན་ཁུར་གསར་བའི”དྲིལ་བསྒྲགས་བརྗོད་དོན་གཞིར་བཟུང་ནས།  རྫོང་བཟོ་ཚོང་ཅུའུ་ཡིས་གཙོ་ཁྲིད་བྱས་པའི“3·15རྒྱལ་སྤྱིའི་འཛད་སྤྱོད་པའི་ཁེ་དབང་སྲུང་སྐྱོབ་ཉིན་མོའི”དྲིལ་བསྒྲགས་བྱ་འགུལ་ལ་ཞུགས།
བྱ་འགུལ་ལས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཟས་རིགས་བདེ་འཇགས་སྲོལ་ཡིག་ལག་བསྟར་དངོས་བཀོལ་ལག་དེབ》1000ལྷག་དང《བདེ་འཇགས་ངང་སྨན་རྫས་བཀོལ་སྤྱོད་བྱེད་པའི་དངོས་བཀོལ་ལག་དེབ》1000།  འོས་མཐུན་གྱི་སྨན་རྫས་ཉོ་སྒྲུབ་བྱེད་པ་སོགས་ཡིག་ཆ3000བཅས་འགྲེམ་གཏོང་བྱས་པ་མ་ཟད།  རིན་ཐང་སྒོར་ཁྲི1.08ཀྱི་སྨན་རྫས་རྫུན་མ་སྣ་ཁ13མེར་སྲེག་པ་རེད།  །