ཀྲུང་གོའི་བོད་ཀྱི་དྲ་བའི་འཕྲིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་ཀྲུང་གོའི་སྤོ་སྒུལ4Gདྲ་རྒྱའི་འཛུགས་སྐྲུན་མཐུན་སྦྱོར་ཚོགས་འདུ་བསྡུས་ཏེ།  བདེ་ཆེན་ཁུལ་ཡོངས་ནས་ཀྲུང་གོའི་སྤོ་སྒུལ4Gདྲ་རྒྱའི་འཛུགས་སྐྲུན་བྱ་བར་བཀོད་སྒྲིག་བྱས།  ཤེས་གསལ་བྱུང་བ་ལྟར་ན། TD-LTEནི་རང་རྒྱལ་གྱིས་གཙོ་སྒྲུབ་བྱས་པའི་སྐབས་བཞི་བའི་སྤོ་སྒུལ་བརྡ་འཕྲིན་ལག་རྩལ་ཡིན་པ་དང་།  དེང་སྐབས་འཛམ་གླིང་ཡོངས་ནས་བེད་སྤྱོད་བྱེད་བཞིན་པའི་སྔོན་ཐོན་བརྡ་འཕྲིན་ལག་རྩལ་ཅིག་ཡིན་ལ།  དེའི་ལ་དྲ་ལམ་མགྱོགས་པ་དང་།  ནམ་ཡང་དྲ་ངོས་སྟེང་ཞུགས་ཐུབ་པའི་ཁྱད་ཆོས་ལྡན།  ཀྲུང་གོའི་སྤོ་སྒུལ་གྱིས་ད་ལོའི་ཟླ3པའི་ཚེས31ཉིན་གྱི་ཡར་སྔོན་དུ་རྫོང་མཁར་གསུམ་དང་གསར་སྤེལ་ཁུལ་དུ4Gདྲ་རྒྱ་འཛུགས་སྐྲུན་བྱས་པ་དང་ལེགས་འགྲུབ་བྱུང་། ཟླ9པའི་ཚེས30ཡར་སྔོན་དུ་ཁུལ་ཡོངས་ཀྱི་ཤང་དང་གྲོང་རྡལ་སོ་སོ་དང་། གནས་སྐོར་ཡུལ་ལྗོངས་ཁུལ་སོ་སོར4Gདྲ་རྒྱ་འཛུགས་སྐྲུན་བྱས་ཚར་ནས་ཤར་གཏོང་བྱུང་ཡོད། སྔོན་དཔག་ལྟར་ན་བཟོ་འགོད་འདིར་སྤྱིའི་མ་དངུལ་སྒོར་དུང་ཕྱུར1གཏོང་རྒྱུ་རེད།  །