སྤྱི་ཟླ3པའི་ཚེས8ཉིན་ནས་ཚེས11ཉིན་བར་དུ།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་མི་རིགས་དགེ་འོས་ཆེད་སྦྱོང་སློབ་གྲྭའི་གུང་གཞོན་ཚོགས་པ་ཨུ་ཡོན་ལྷན་ཚོགས་ཀྱིས་སློབ་གྲྭ་ཡོངས་ཀྱི་གུང་གཞོན་ཚོགས་མི་རྩ་འཛུགས་བྱས་ཏེ་དྲ་རྒྱ་སྟེང་གི་ཏང་གི་འཐུས་མི་ཚོགས་ཆེན་ཐེངས18པའི་དགོངས་དོན་དྲིལ་བསྒྲགས་བརྙན་རིས་ལ་གཟིགས་པ་དང་།  བྱ་འགུལ་ལས་མཉམ་གཅིག་ཏུ་གཟིགས་པ་དང་ཁ་འཐོར་ཏུ་སློབ་སྦྱོང་བྱེད་པ་བཅས་བསྡོམས་པས་གུང་གཞོན་ཚོགས་མི1500ལྷག་ཐེངས་འདིའི་དགོངས་དོན་སློབ་སྦྱོང་ལ་ཞུགས།

རྒྱུས་ལོན་པ་ལྟར་ན།  སྔར་ལས་ལྷག་པར་ན་གཞོན་སློབ་མ་རྣམས་ལ་བག་ཆགས་ཟབ་མོ་འཇོག་པ་དང་།  ན་གཞོན་སློབ་མ་རྣམས་ཀྱི་དགའ་བསུ་ཐོབ་སླ་ཞིང་། དང་ལེན་བྱེད་ནུས་པའི་རྣམ་པ་སྤྱད་དེ་ཏང་གི་འཐུས་མི་ཚོགས་ཆེན་ཐེངས18པའི་དགོངས་དོན་དྲིལ་བསྒྲགས་བྱེད་ཆེད།  གུང་གཞོན་ཚོགས་པ་ཀྲུང་དབྱང་གིས《ཏང་གི་དར་ཆ་འོག་བདེ་བླག་ངང་འཚར་ལོངས་འབྱུང་བ》དང《ཏང་གི་འཐུས་མི་ཚོགས་ཆེན་ཐེངས18པར་སློབ་སྦྱོང་བྱས་ཏེ་བགྲོད་ལམ་གསར་བ་སྟེང་སྐྱོད་པ》སོགས་རྒྱ་ཆེའི་ན་གཞོན་དང་སློབ་གྲྭ་ཆེན་མོ་བ།  འབྲིང་རིམ་ཆེད་སྦྱོང་སློབ་མ་དང་དམའ་རིམ་སློབ་མ།  ན་ཆུང་གདོང་ལེན་ཚོགས་མི་ལ་དམིགས་ཏེ་དྲ་རྒྱའི་དྲིལ་བསྒྲགས་བརྙན་རིས10འགྲེམ་སྤེལ་བྱས།  དྲིལ་བསྒྲགས་བརྙན་རིས་ལས་རབ་བཏགས་རི་མོ་དང་པར་རིས།  གྲངས་ཀ་སོགས་ཀྱི་སྟེང་ནས་འདས་ཟིན་པའི་ལོ་བཅུའི་ནང་རང་རྒྱལ་གྱིས་བླངས་བའི་གྲུབ་འབྲས་འགྲེམ་སྟོན་བྱས།  །