ཀྲུང་གོའི་བོད་ཀྱི་དྲ་བའི་འཕྲིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་ཟླ9བའི་ཚེས18ཉིན་བདེ་ཆེན་ཁུལ་གྱི་ལས་བཟོ་བས་ཏང་གི་ཚོགས་ཆེན་ཐེངས་བཅོ་བརྒྱད་པ་བསུ་མ་བྱེད་པའི་རིག་རྩལ་ཡར་ཞུའི་འཁྲབ་སྟོན་བསྡུ་རྒྱུ་རེད།  ཟླ9བའི་ཚེས3ཉིན་ནས་བཟུང་།  ཁུལ་རིམ་པའི་ལས་ཁུངས་སོ་སོ་དང་རྫོང་སོ་སོའི་འགྲན་ཞུགས་འཐུས་ཚབ་རུ་ཁག་གིས་དུས་ཚོད་དམ་འཛིན་བྱས་ཏེ་རིག་རྩལ་སྦྱོང་བརྡར་བྱེད་ཀྱིན་ཡོད། 

 རིག་རྩལ་ཡར་ཞུའི་འཁྲབ་སྟོན་ལས“དགའ་སྤྲོའི་ངང་ཏང་གི་ཚོགས་ཆེན་ཐེངས18པ་བསུ་མ་བྱས་ཏེ། ཏང་གི་བཀའ་དྲིན་ལ་བསྔགས་བརྗོད་བྱེད་པ”དང“བློ་གཅིག་སེམས་གཅིག་གིས་འཕེལ་རྒྱས་ཕྱོགས་ལ་ཤུགས་སྣོན་པ་དང་།  གླུ་ལེན་གར་རྩེད་བརྒྱུད་ནས་སྐལ་བཟང་ལ་བསྟོད་གླུ་ལེན་པ”བརྗོད་དོན་དུ་བཟུང་བས།  རྒྱ་ཆེའི་ལས་བྱེད་ལས་བཟོ་བས་བདེ་ཆེན་ཁུལ་ནི་རྒྱལ་ཡོངས་བོད་ཁུལ་གྱི་ཐོལ་བརྒལ་རང་བཞིན་གྱི་འཕེལ་རྒྱས་དང་དུས་ཡུན་རིང་བའི་བདེ་འཇགས་དཔེ་སྟོན་ས་ཁུལ་ཞིག་ཏུ་འཛུགས་སྐྲུན་བྱེད་པའི་བྱས་རྗེས་ལ་བསྟོད་གླུ་བླངས།  །

འཐུས་ཚབ་རུ་ཁག་གིས་རིག་རྩལ་བསྐྱར་སྦྱང་བྱེད་བཞིན་པ།