ཀྲུང་གོའི་བོད་ཀྱི་དྲ་བའི་འཕྲིན།  ཉེ་བའི་ལོ་འགའི་རིང་།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གིས་ཞིང་སྡེའི་རིག་གནས་འཛུགས་སྐྲུན་བྱེད་པར་དོ་སྣང་བྱེད་བཞིན་ཡོད་ལ།  སྲིད་ཇུས་བྱེད་ཐབས་རབ་དང་རིམ་པ་སྤྱད་དེ་སྔར་ལས་ལྷག་པར་གཞི་རིམ་གྱི་རིག་གནས་བྱ་བ་སྐུལ་སྤེལ་བྱས་པ་བརྒྱུད།  ཞིང་སྡེའི་རིག་གནས་འཛུགས་སྐྲུན་ཐད་ཤུགས་སྣོན་ཐོབ་པ་དང་། རིག་གནས་ཞབས་ཞུའི་ནུས་ཤུགས་དང་ཆུ་ཚད་རྒྱུན་ཆད་མེད་པར་མཐོར་འདེགས་བྱུང་། 

མིག་སྔར།  རྫོང་ཡོངས་ཀྱི་ཤང་དང་གྲོང་རྡལ11ཏུ་ཕྱོགས་བསྡུས་རིག་གནས་ས་ཚིགས་འཛུགས་སྐྲུན་བྱས་ཚར་བ་དང་།  བསྡོམས་པས་མ་དངུལ་སྒོར་ཁྲི440ལྷག་བཏང་། ཤང་དང་གྲོང་རྡལ་གྱི་རིག་གནས་ས་ཚིགས་སོ་སོའི་མཁྲེགས་ལྷུའི་སྒྲིག་ཆས་རྒྱུན་ཆད་མེད་པར་ལེགས་བཅོས་ཐོབ་ཡོད་པ་དང་།  རྫོང་ཡོངས་ཀྱི་ཤང་དང་གྲོང་རྡལ་རིག་གནས་ས་ཚིགས་སུ་རིན་ཐང་སྒོར་ཁྲི10ཡི་སྒྲ་བསྐྱེད་སྒྲིག་ཆས12འདོན་སྤྲོད་བྱས་ཡོད་པ་རེད།  །