ཀྲུང་གོའི་བོད་ཀྱི་དྲ་བའི་འཕྲིན།  ད་ལོའི་ལོ་སར་སྐབས་སུ།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་གནས་སྐོར་བྱ་བར་གྲུབ་འབྲས་ལེགས་པོ་ཐོབ།  བདེ་ཆེན་ཁུལ་གནས་སྐོར་ཅུའུ་འཆར་དགོད་འཕེལ་རྒྱས་ཚན་ཁག་གི་ཧི་ཕེན་གྱིས་མཚམས་སྦྱོར་བྱས་པ་ལྟར་ན།  ལོ་སར་སྐབས་སུ། བདེ་ཆེན་ཁུལ་གྱིས་བསྡོམས་པས་གནས་སྐོར་བ་མི་ཐེངས་ཁྲི17.74སྣེ་ལེན་བྱས་པ་དང་།  གནས་སྐོར་ཐད་ཀྱི་ཡོང་སྒོ་སྒོར་ཁྲི6451.22ལེགས་འགྲུབ་བྱུང་།  དེའི་ནང“ཉིན་གཅིག་ལ་གནས་སྐོར་བྱེད་པའི”གནས་སྐོར་བའི་གྲངས་ཀ་ཅུང་མང་ལ།  མི་ཐེངས་ཁྲི10.8ལ་སླེབས་ཡོད་པ་དང་།  དུས་མཉམ་ལས3%ཡར་འཕར། “ཞག་སྡོད་བྱེད་པའི” གནས་སྐོར་བ་མི་ཐེངས་ཁྲི6.94ཟིན་པ་དང་།  དུས་མཉམ་ལས13.58%ཡར་འཕར། 

ལོ་སར་སྐབས་སུ།  བདེ་ཆེན་ཁུལ་གྱི་གནས་སྐོར་བ་སྣེ་ལེན་བྱེད་པའི་དམིགས་ཚད་གཙོ་བོ་ལོ་སྔོན་མ་ལས་འཕར་སྣོན་བྱུང་ཡོད་པ་དང་།  ཡུལ་ལྗོངས་ཁུལ་སོ་སོ་ཁྲོད་པོ་ཏ་མཚོ་མོ་རྒྱལ་ཁབ་སྤྱི་གླིང་གིས་གནས་སྐོར་བ་མི་ཐེངས7286དང་།  སྟག་མཆོང་གྲོག་རོང་ཡུལ་ལྗོངས་ཁུལ་གྱིས་གནས་སྐོར་བ་མི་ཐེངས་ཁྲི15014།  དགའ་ལྡན་སུམ་རྩེན་གླིང་དགོན་པའི་ཡུལ་ལྗོངས་ཁུལ་གྱིས་གནས་སྐོར་བ་མི་ཐེངས6159།  ནག་ཕག་མཚོ་མོ་ཡུལ་ལྗོངས་ཁུལ་གྱིས་གནས་སྐོར་བ་མི་ཐེངས2944།    ཤྭ་ཁ་གངས་རི་ཡུལ་ལྗོངས་ཁུལ་གྱིས་གནས་སྐོར་བ་མི་ཐེངས4533བཅས་སྣེ་ལེན་བྱས།  །