ན་ནིང་ཟླ4བའི་ཚེས1ཉིན་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་མཁར་གྲོང་ལས་བཟོ་བའི་སྨན་བཅོས་ཉེན་བཅོལ་བྱང་བུ་ས་ཆ་གཞན་ནས་བཀོལ་པའི་དཔེ་སྟོན་བྱ་བ་སྤེལ་འགོ་བརྩམས་པ་ནས་བཟུང་།  བདེ་ཆེན་ཁུལ་དང་ཁོན་མིན།  ཁྲའོ་ཞོན།  ཆུའུ་ཅིན།  ཧོང་ཧུ།  ཝུན་ཧྲན།  ཡས་ཞུའུ།  པའོ་ཧྲན།  ཏའེ་ཧོན།  ཀྲའོ་ཐོན།  ལིན་ཚང་།  ཕུ་ཨར།  ཏ་ལེ།  ཞི་ཧྲོན་པན་ན།  ནའོ་ཅང་སོགས་ཁུལ་དང་གྲོང་ཁྱེར15རུ་དྲ་རྒྱའི་རྩིས་སྤྲོད་སྟེགས་བུ་སྐྲུན་པ་དང་།  ད་ལོར་བདེ་ཆེན་ཁུལ་གྱི་སྨན་བཅོས་ཉེན་བཅོལ་ནང་ཞུགས་པའི་མི་ཐེངས་ཁྲི13849ཡིས་ས་ཆ་གཞན་ནས་སྨན་བཅོས་ཉེན་བཅོལ་བྱང་བུ་བཀོལ་ནས་སྨན་བཅོས་བྱས་པ་རེད། 

ཟླ11པའི་ཚེས30ཉིན་བར་བདེ་ཆེན་ཁུལ་གྱི་སྨན་བཅོས་ཉེན་བཅོལ་ནང་ཞུགས་ཡོད་པའི་མི་སྣས་ས་ཆ་གཞན་ནས་སྨན་བཅོས་བྱེད་པའི་སྨན་རིན་སྒོར་ཁྲི561ལ་སླེབས་ཡོད་ལ།  དེའི་ནང་སྒྲིག་ཁོངས་ཡོད་པའི་ལས་བཟོ་བས་སྨན་རིན་སྒོར་ཁྲི308དང་།  ལས་འཁྱེར་ངལ་གསོ་མི་སྣས་སྒོར་ཁྲི253བཅས་བཀོལ་ཡོད་པ་རེད།  །