ད་ལོའི་ལོ་སྟོད་ལ། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་ཕྱུགས་ལས་ཐོན་སྐྱེད་དམ་འཛིན་བྱས་ནས། རོང་འབྲོག་མང་ཚོགས་ཀྱི་ཡོང་སྒོ་འཕར་སྣོན་བྱུང་དུ་བཅུག་པའི་དུས་མཚུངས་སུ། ཕྱུགས་ལས་ཐོན་རྫས་ཀྱི་རྒྱུ་སྤུས་མི་བཟང་བ་སོགས་ཀྱི་གནད་དོན་དང་ཕྱུགས་ཟོག་ཤི་ཚད་ཇེ་ཉུང་དུ་གཏོང་བའི་གནད་དོན་ཐག་གཅོད་བྱས་ཏེ། རྩྭ་སའི་སྐྱེ་ཁམས་སྲུང་སྐྱོབ་དང་སླར་གསོ་བྱས་ལ། སྐྱེ་ཁམས་དོ་མཉམ་དང་ཕྱུགས་ལས་རྒྱུན་མཐུད་འཕེལ་རྒྱས་ལ་ཡར་སྐུལ་བྱས།

སྡོམ་རྩིས་བྱས་པ་ལྟར་ན། ད་ལོའི་ལོ་སྟོད་ལ། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་དུ་ཕྱུགས་ཟོག་ཆེ་ཆུང་འབུམ་དགུ་དང་ཁྲི་བདུན་ལྷག་ཡོད་པ་དང་། དེ་དུས་མཉམ་ལས་བརྒྱ་ཆའི་ཐིག་གྲངས་ཆུང་བཞི་ཇེ་ཉུང་དུ་སོང་ལ། ཕྱུགས་ཟོག་ཆེ་ཆུང་འབུམ་གཅིག་དང་ཁྲི་བཞི་ལྷག་གསོ་ཁ་ནས་བུད་པ་དང་། དེ་དུས་མཉམ་ལས་བརྒྱ་ཆའི་བཅུ་དགུ་ལྷག་འཕར། ཤ་དང་། འོ་མ། སྒོང་བ་སོགས་ཀྱི་སྤྱིའི་ཐོན་ཚད་ཏུན་ཁྲི་གཅིག་དང་སྟོང་བརྒྱད་གོ་བདུན་ལ་བསླེབས་པ་དང་། དེ་དུས་མཉམ་ལས་བརྒྱ་ཆའི་བཅུ་དགུ་ལྷག་འཕར་སྣོན་བྱུང་། ཚོད་དཔག་བྱས་ན་ཐོན་སྐྱེད་ཡོང་སྒོ་སྒོར་མོ་དུང་ཕྱུར་གཅིག་དང་བྱེ་བ་གཉིས་ས་ཡ་བདུན་འབུམ་གཉིས་ཁྲི་གཉིས་མངོན་འགྱུར་བྱེད་ཐུབ་པ་དང་། དེ་དུས་མཉམ་ལས་བརྒྱ་ཆའི་བརྒྱད་དང་གྲངས་ཆུང་ལྔ་འཕར་ཡོད།