སྔར་ལས་ལྷག་པའི་སྒོ་ནས་སྲིད་ཇུས་རང་བཞིན་གྱི་ཞིང་ལས་ཉེན་སྲུང་ལ་རོགས་སྐྱོར་བྱེད་པའི་ཤུགས་ཚད་ཇེ་ཆེར་གཏོང་བ་དང་། ཞིང་བ་ཐན་པ་བྱུང་ནས་དབུལ་ཕོངས་སུ་མི་འགྱུར་བར་ཁག་ཐེག་བྱེད་པ། གནོད་འཚེའི་རྗེས་སུ་ཐོན་སྐྱེད་འཚོ་བ་མྱུར་དུ་སླར་གསོ་འབྱུང་ཐུབ་པ་བཅས་ཀྱི་ཆེད་དུ། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གིས་རྫོང་ཡོངས་ཀྱི་ནོར་གནག་ཁྲི་གསུམ་དང་སྟོང་བཞི་སུམ་བརྒྱ་ཞེ་དགུ་དང་འབྲོག་ལུག་ཁྲི་བདུན་དང་སྟོང་གཅིག་བརྒྱ་དང་རེ་བརྒྱད་ཉེན་སྲུང་གི་ཁྲོད་དུ་འཇོག་རྒྱུ་རེད།
 རྒྱུས་ལོན་བྱུང་བའི་གནས་ཚུལ་ལྟར་ན། སེམས་ཀྱི་ཉི་ཟླ་རྫོང་གི་ནོར་གནག་དང་འབྲོག་ལུག་ཉེན་སྲུང་ཁྲོད་འཇོག་པའི་བྱ་བ་དེར་ཀྲུང་གོ་ཉེན་སྲུང་སེམས་ཀྱི་ཉི་ཟླ་རྫོང་ཡན་ལག་ཀུང་ཟིའི་སྒྲུབ་འགན་འཁུར་བཞིན་ཡོད་པ་དང་། དེས་སྲིད་གཞུང་གི་སྣེ་ཁྲིད་དང་། ཚོང་ར་འཁོར་བསྐྱོད་བྱེད་པ། རང་དབང་རང་འཐད། མཉམ་དུ་ཡར་སྐུལ་བྱེད་པའི་རྩ་དོན་ལག་བསྟར་བྱེད་བཞིན་ཡོད།