བདེ་ཆེན་རྫོང་གི་དངོས་པོ་མ་ཡིན་པའི་ཤུལ་བཞག་རིག་གནས་སྲུང་སྐྱོབ་བྱ་བ་དེ་ལོ་མང་པོའི་རིང་ལ་འབད་བརྩོན་བྱས་པ་བརྒྱུད། མིག་སྔའི་བར་དུ། བདེ་ཆེན་རྫོང་གི་དངོས་པོ་མ་ཡིན་པའི་ཤུལ་བཞག་རིག་གནས་ཀྱི་དཔྱད་ཡིག་མཛོད་ཁང་གི་འཛུགས་སྐྲུན་བྱ་བ་ལེགས་འགྲུབ་བྱུང་ཞིང་། སྔར་ཡོད་དཔྱད་ཡིག་གི་རྨང་གཞི་སྟེང་ཁ་སྣོན་རྒྱབ་ནས་རྫོང་རིམ་པའི་དངོས་པོ་མ་ཡིན་པའི་ཤུལ་བཞག་རིག་གནས་སྲུང་སྐྱོབ་མིང་ཐོ་འགོད་པའི་ལས་དོན་ཡོངས་སུ་ལེགས་འགྲུབ་བྱུང་། བསྡོམས་པས་བོད་ཀྱི་ལྡེབས་རིས་སོགས་དངོས་པོ་མ་ཡིན་པའི་ཤུལ་བཞག་རིག་གནས་སྲུང་སྐྱོབ་རྣམ་གྲངས40དང་།  སྲོལ་རྒྱུན་རིགས་གནས་སྲུང་སྐྱོབ་ས་ཁུལ9། མི་རིགས་དམངས་ཁྲོད་གླུ་གར་གྱི་གདན་ས4དང་། རྫོང་རིམ་པའི་དངོས་པོ་མ་ཡིན་པའི་ཤུལ་བཞག་རིག་གནས་ཀྱི་རྒྱུད་འཛིན་མི་སྣ70བཅས་ཁྱབ་བསྒྲགས་བྱས། 2009ལོར། བདེ་ཆེན་རྫོང་གིས་གོང་རིམ་དུ་སྙན་ཞུ་ཕུལ་བའི་རྣམ་གྲངས་ཏེ“བོད་ཀྱི་ལྕགས་རིགས་བཙོ་སྦྱང་ལག་རྩལ”དང“བདེ་ཆེན་གྱི་བོད་རིགས་སྒྲ་སྙན”ཞེས་པ་དེ་གཉིས་ཡུན་ནན་ཞིང་ཆེན་གྱི་ཐེངས་གཉིས་པའི་དངོས་པོ་མ་ཡིན་པའི་ཤུལ་བཞག་རིག་གནས་སྲུང་སྐྱོབ་བྱེད་ཡུལ་གྱི་མིང་ཐོ་རུ་བཀོད་པ་རེད།  །