སྤྱི་ཟླ9པའི་ཚེས27ཉིན་འཛམ་གླིང་གི་སེམས་ཀྱི་ཉི་ཟླ་རིག་གནས་ཡུལ་སྐོར་དུས་ཆེན་སྐབས་གསུམ་པ་དེ་སེམས་ཀྱི་ཉི་ཟླའི་གྲོང་ཁྱེར་དུ་གཟབ་རྒྱས་ངང་འགོ་བཙུགས་པ། བྱེད་སྒོ་དེས་རིག་གནས་ནི་བླ་སྲོག་དང་། རི་ཆུ་མཚམས་སྦྱོར་བྱེད་པ། ལུས་རྩལ་སྦྲེལ་ཐག་ཏུ་བརྩིས་ནས་འཛམ་གླིང་ལ་སེམས་ཀྱི་ཉི་ཟླ་ཞེས་པའི་མིང་བྱང་གསར་པ་ཞིག་སྤྲད་དེ། ཡུན་ནན་ཞེས་པའི་འཚོ་བ་རོལ་སྟངས་ཤིག་ཡོད་པ་སྟེ། འཛམ་གླིང་གི་སེམས་ཀྱི་ཉི་ཟླའི་སྤུས་རྟགས་མངོན་གསལ་དོད་པོ་ཅན་དུ་འགྱུར་བར་སྐུལ་འདེད་བཏང་ནས་བདེ་ཆེན་གྱི་ཐུན་མོང་མ་ཡིན་པའི་རིག་གནས་ཡུལ་སྐོར་ཐོན་ཁུངས་དེ་སྤུས་ཚད་མཐོ་བའི་འཕེལ་རྒྱས་ཀྱི་གཙོ་རྟེན་ཐོན་ལས་དང་། དམངས་འཚོ་ཐོན་ལས། བདེ་སྐྱིད་ཐོན་ལས་བཅས་སུ་བསྒྱུར་རྒྱུར་སྐུལ་འདེད་བཏང་ཡོད།

    སེམས་ཀྱི་ཉི་ཟླའི་རིག་གནས་ཡུལ་སྐོར་དུས་ཆེན་སྐབས་གཉིས་པ་གཉེར་བ་ནས་བཟུང་བདེ་ཆེན་ཁུལ་གྱིས་རྣམ་གྲངས་དང་། བྱེད་སྒོ། དྲིལ་བསྒྲགས་ངོ་སྤྲོད། ཚོང་འདྲེན། ཁེ་ལས་ཞབས་ཞུ་བཅས་གཞི་འཛིན་ས་དྲུག་མངོན་གསལ་དུ་བཏང་ནས་དེང་རབས་ཀྱི་ཡུལ་སྐོར་ལས་རིགས་མ་ལག་འཐུས་ཚང་ཞིག་མགྱོགས་མྱུར་ངང་འཛུགས་པ་དང་། རིག་གནས་ཡུལ་སྐོར་དང་། བེ་ཤའི་ལྗོངས་རྒྱུ། ཨ་རག་བཟོ་ཁང་གི་གསང་བ་འཚོལ་ཞིབ་བྱེད་པའི་ཡུལ་སྐོར་ལམ་ཐིག་བཟོས་ནས་མངོན་མེད་རིག་གནས་ཤུལ་བཞག་ཉམས་ལེན་དང་། མི་རིགས་གླུ་གར་འཁྲབ་སྟོན། བོད་སྨན་རིག་གནས་ཉམས་ལེན་སོགས་ཡུལ་སྐོར་དང་མཉམ་འདྲེས་བྱས་ཤིང་། གངས་རྩེད་དང་འདབ་ཆགས་ལ་བལྟ་བ། གངས་རིའི་ཉི་ཟེར་ལ་བལྟ་བ། བཟོ་ལས་ཡུལ་སྐོར་སོགས་ཀྱི་ཐོན་རྫས་བཟོས་པ།  འཛམ་གླིང་རིམ་པའི་རྐང་ཐང་འགྲོ་ས་བསྐྲུན་ཞིང་། ཞིང་ལས་རིག་གནས་དང་དེ་ཡུལ་སྐོར་གྱི་རྣམ་པ་གསར་པར་འདྲེས་པར་བྱས་ཏེ། ཡུན་ནན་ནུབ་བྱང་དང་། སེམས་ཀྱི་ཉི་ཟླ་ཆེན་པོའི་ས་ཁོངས། འབྲི་ཆུའི་ཡུལ་སྐོར་དཔལ་འབྱོར་རྒྱུད་ཀྱིས་ཁུལ(མཉམ་འདྲེས)དང་མཉམ་ལས་གཏིང་ཟབ་ཏུ་བཏང་བས། རིག་གནས་ཡུལ་སྐོར་གྱི་ཐོན་རྫས་དང་། ལས་རྣམ། རྣམ་པ་བཅས་སྔར་བས་ཕུན་སུམ་ཚོགས་སུ་ཕྱིན་པ་དང་། སྤུས་རྟགས་ལ་སྔར་ལས་གསོན་ཤུགས་རྒྱས་ཡོད། ཡུལ་སྐོར་ཁྲོམ་ར་སྔར་བས་ཚད་ལྡན་དུ་ཕྱིན་པ་དང་། དཔལ་འབྱོར་སྐུལ་ཁྲིད་སྔར་བས་མངོན་གསལ་ཇེ་དོད་དུ་ཕྱིན་ཡོད། ཞིང་ཆེན་ཕྱི་ནང་གི་སྤུན་ཟླ་ཁུལ(གྲོང་ཁྱེར)དང་དེ་བཞིན་སྤྱི་ཚོགས་ལས་རིགས་ཁག་གི་གྲོགས་པོ་དང་མཉམ་དུ་སེམས་ཀྱི་ཉི་ཟླ་ཆེན་པོའི་སྐྱེ་ཁམས་རིག་གནས་ཡུལ་སྐོར་ཁུལ་ཆེ་རུ་གཏོང་བའི་གོ་དོན་དང་ཤུགས་རྐྱེན་ཇེ་རྒྱས་ཇེ་ལེགས་སུ་བཏང་ནས་རྒྱལ་ཁབ་ཕྱི་ནང་གི་སྐུ་མགྲོན་དང་གྲོགས་པོ་སྤྲོ་སེམས་འཁོལ་བའི་ངང་བདེ་ཆེན་དུ་གདན་འདྲེན་ཞུས་པ་རེད།

    སྐབས་འདིའི་རིག་གནས་ཡུལ་སྐོར་དུས་ཆེན་དུ་ཉིན100་ཡི་སྤྲོ་སྣང་འཚོལ་བའི་བྱེད་སྒོ་ཞིབ་ཚགས་ངང་བཙུགས་ཡོད་པ་སྟེ། ཟླ9པའི་ཚེས27ཉིན་ནས་ཚེས29ཉིན་བར་གྱི་བྱེད་སྒོ་གཙོ་གྲས་ནས་རྒྱལ་སྟོན་དུས་ཆེན་གྱི་ཁྱད་ཆོས་ལྡན་པའི་བྱེད་སྒོ་དང་དེ་བཞིན་ཟླ10པ་དང་།  ཟླ11པ།  ཟླ12པ་བཅས་ཀྱི་སྣུར་སྲིང་བྱེད་སྒོ་བཅས་སུ་མི་རིགས་གླུ་གར་ཟློས་གར《ལོ་ངོ་སྟོང་གི་ལན་ཆ》དང་། ཁུལ16(གྲོང་ཁྱེར)གྱི་གཟུགས་མེད་རིག་གནས་ཤུལ་བཞག་སྐོར་འཁྲབ། འབྲི་ཆུའི་ཡུལ་སྐོར་ངོ་སྤྲོད་སོགས་མུ་འབྲེལ་རིགས་འབྲེལ་གཙོ་དོན་བྱེད་སྒོར་ཚུད་ཡོད་པ་རེད།  

    འགོ་ཚུགས་མཛད་སྒོའི་ཐོག་ཚེ་འདིར་བརྩེ་དུང་གཏན་འཁེལG214ཞེས་པའི་དྲིལ་བསྒྲགས་ངོ་སྤྲོད་བྱས་པ་དང་། གཟུགས་མེད་རིག་གནས་ཤུལ་བཞག་བརྗོད་བྱ་གཙོ་བོའི་ཡུལ་སྐོར་ལམ་ཐིག་ཁྱབ་བསྒྲགས་བྱས་པ་རེད།《སེམས་ཀྱི་ཉི་ཟླར་རྩེད་ལ་འགྲོ》《བཀྲ་ཤིས་ཁྱིམ་གཞིས》སོགས་ཁྱད་ཆོས་ལྡན་པའི་མི་རིགས་གླུ་གར་འཁྲབ་སྟོན་གྱིས་སྐུ་མགྲོན་དང་ཡུལ་སྐོར་བ་རྣམས་ལ་སེམས་ཀྱི་ཉི་ཟླའི་མཛེས་སྡུག་རོལ་མྱོང་བྱེད་དུ་འཇུག་པ་རེད།

    ཞིང་ཆེན་རིམ་པའི་ལས་ཁུངས་དང་། ཞིང་ཆེན་ནང་ཁུལ་གྱི་མཐོ་སློབ། འབྲི་ཆུའི་ཡུལ་སྐོར་དཔལ་འབྱོར་རྒྱུད་ཁོངས་ཉེ་འགྲམ་ཁུལ(གྲོང་ཁྱེར)གྱི་འགོ་ཁྲིད་དང་འབྲེལ་ཡོད་ཁེ་ལས། གསར་འགྱུར་འཕྲིན་སྦྱོར། ལས་རིགས་མཐུན་ཚོགས་གྱི་སྐུ་མགྲོན་བཅས་དང་། དེ་བཞིན་ཞིང་ཆེན་ཡོངས་ཀྱི་ཁུལ16(གྲོང་ཁྱེར)ནས་ཡོང་བའི་མང་ཚོགས་རིག་གནས་ཚོགས་པ་ཕུལ་བྱུང་གདན་ཞུས་ལྟར་དུས་ཆེན་དུ་ཞུགས་ཡོད།