ཀྲུང་གོའི་བོད་ཀྱི་དྲ་བའི་འཕྲིན།“ནན་པོ་གསུམ་དང་དངོས་གནས་གསུམ”དང་།“ལྷག་བསམ་རྣམ་དག་དང་།གཙང་མ་དང་འགན་འཁུར་ཕོད་པ”ཞེས་པའི་ཆེད་དོན་སློབ་གསོའི་བྱེད་སྒོ་བསྡུ་འགོ་ཚུགས་པ་ནས་བཟུང་།རང་ཁུལ་གྱིས་ཞིང་ཆེན་དང་ཁུལ་དང་རྫོང（གྲོང་ཁྱེར）བཅས་རིམ་པ་གསུམ་གྱི་སྟོབས་ཤུགས་སྡེབ་སྒྲིག་བྱས་ནས།ཆེད་དོན་སློབ་གསོའི་ཁྲོད་དུ་གནས་པའི་“སྟོང་དོན་གཉེར་བ”དང་།“ཚུལ་འཆོས”དང་“གནད་འཁེལ་མིན་པ”སོགས་ཀྱི་མི་ལྡང་ས་ཡོ་བསྲང་བྱས་པ་རེད།
ཤེས་རྟོགས་བྱུང་བར་གཞིགས་ན།ཆེད་དོན་སློབ་གསོའི་བྱེད་སྒོ་བསྡུ་བའི་དུས་འགོར།རང་ཁུལ་གྱིས་ཆེད་དོན་སློབ་གསོའི་དུས་རིམ་དུ་སྡེ་ཁག་འགའ་ཤས་ལ་ཐོན་ངེས་པའི་སློབ་སྤྱོད་མི་མཐུན་པའི་རྐྱེན་གྱིས་སློབ་སྦྱོང་དེ་ཕྱི་ཚུལ་དུ་སོང་བའི་“སྟོང་དོན་གཉེར་བ”དང་།འགོ་ཁྲིད་ལས་བྱེད་པ་འགར་སློབ་སྦྱོང་གི་འདུ་ཤེས་མི་མཐོ་བའི་རྐྱེན་གྱིས་ལས་སྒྲུབ་ཀྱིས་སློབ་སྦྱོང་གི་ཚབ་བྱེད་པའི་ཚུལ་འཆོས་བྱས་པ་ཙམ་གྱིས་བློ་ཡིད་ཚིམ་པ།ཏང་རྩ་འཛུགས་ཉུང་ཤས་སུ“སློབ་གསོའི་བྱེད་སྒོར་ངལ་དུབ་བྱུང་བ་དང་།གང་ལྟར་ཡང་དེ་སྔའི་བྱེད་ཚུལ་རྙིང་པ་ཡིན་པའི”བསམ་ཚུལ་བྱུང་སྟེ།སློབ་སྦྱོང་བྱེད་པའི་བརྗོད་བྱ་གཙོ་བོ་“གནད་འཁེལ་མིན་པ”སོགས་ཀྱི་བསམ་བློའི་ཕྱོགས་ལྷོང་བྱུང་ངེས་པའི་སྔོན་དཔག་བྱས་པ་རེད།
སྲིད་ཇུས་ཡང་དག་པ་ཁོང་དུ་ཆུད་པ་བྱས་པ་དང་།ཞིང་ཆེན་རིམ་པའི་ལྟ་སྐུལ་ཁྲིད་སྟོན་ལ་བརྟེན་ནས།ཆེད་དོན་སློབ་གསོའི“སྟོང་དོན་གཉེར་བའི”གནད་དོན་ཡོ་བསྲང་བྱས་པ།ཁུལ་ཨུས་དུས་ཐོག་ཏུ་ཞིང་ཨུའི་སྐོར་སྐྱོད་ལྟ་སྐུལ་ཁྲིད་སྟོན་ཚོ་ཆུང་15པ་དང་སྣེ་མཐུད་བྱས་ནས།ལྟ་སྐུལ་ཁྲིད་སྟོན་བྱ་བ་གྲོས་ཐག་གཅོད་ཅིང་།《“ཁྱོན་ཡོངས་བཞི”ལ་བརྟེན་ནས་ལས་ཀར་སྣེ་ཁྲིད་བྱས་ཏེ་མུ་མཐུད་དུ་བདེ་ཆེན་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་ཀྱི་འཕེལ་རིམ་ཇེ་མགྱོ གས་སུ་གཏོང་རྒྱུ》ཞེས་པ་བརྗོད་བྱ་གཙོ་བོར་བྱས་ཏེ།ཞིང་ཨུའི་ཧྲུའུ་ཅི་ལི་ཅི་ཧིང་དང་ཞིང་ཆེན་གྱི་འགོ་འཛིན་ཁྲེང་ཧའོ་ཡིས་“ནན་པོ་གསུམ་དང་དངོས་གནས་གསུམ”དང་།“ལྷག་བསམ་རྣམ་དག་དང་།གཙང་མ་དང་འགན་འཁུར་ཕོད་པ”ཞེས་པའི་ཆེད་དོན་སློབ་གསོའི་སྐུལ་སློང་བཀོད་སྒྲིག་གྲོས་ཚོགས་ཐོག་གི་གསུང་བཤད་ཀྱི་དགོངས་དོན་ལག་ལེན་མཐར་ཕྱིན་གཏིང་ཟབ་བྱས།
གཙོ་བོ་ཁོང་དུ་ཆུད་པ་དང་ཁུལ་རིམ་པའི་སྟོབས་ཤུགས་སྤྱད་ནས་ཆེད་དོན་སློབ་གསོའི་ཐད་ཀྱི་“ཚུལ་འཆོས”བྱེད་པའི་གནད་དོན་ཡོང་བསྲང་བྱས་པ།ཁུལ་ཨུའི་བྱེད་སྒོའི་གཞུང་ལས་ཁང་གིས་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རབ་དང་རིམ་པའི་གསུང་བཤད་གལ་ཆེན་སོགས་དང་།ཞིང་ཆེན་དང་ཁུལ་ཨུའི་འགོ་ཁྲིད་ཀྱི་“ནན་པོ་གསུམ་དང་དངོས་གནས་གསུམ”དང་།“ལྷག་བསམ་རྣམ་དག་དང་།གཙང་མ་དང་འགན་འཁུར་ཕོད་པའི”བླང་བྱ་སོགས་ཀྱི་ནང་དོན་ནི་གློག་རྡུལ་དེབ་ཏུ་བསྒྲིགས་ཏེ་རིམ་པ་ཁག་གི་འགོ་ཁྲིད་ལས་བྱེད་པར་སློབ་སྦྱོང་དུ་མཁོ་སྤྲོད་བྱས་ཤིང་།འགོ་ཁྲིད་ཉུང་ཤས་ལ་གནས་པའི་སློབ་སྦྱོང་ཐད་“ཚུལ་འཆོས”བྱེད་པ་དང་ཟིན་བྲིས་བསྣན་ནས་“རྫུན་མ་བཟོས་པའི”གནས་ཚུལ་དུས་ཐོག་ཏུ་ཡོ་བསྲང་བྱས་པ་རེད།
རྫོང་རིམ་པའི་ཕན་ནུས་འདོན་སྤེལ་གང་ལེགས་བྱས་ཏེ།ཆེད་དོན་སློབ་གསོའི་ཐད་གནས་པའི་“གནད་འཁེལ་མིན་པའི”གནད་དོན་ཐག་གཅོད་བྱས་པ།ཁུལ་ཨུས་སྔོན་ཚུད་ནས་ཡིག་ཆ་འགྲེམས་ཏེ་རྫོང་（ཆུས）གི་བྱེད་སྒོའི་གཞུང་ལས་ཁང་གིས་དུས་ཐོག་ཏུ་ལྟ་སྐུལ་ཁྲིད་སྟོན་འཆར་གཞི་གོང་ལ་སྙན་སེང་ཞུ་རྒྱུའི་བླང་བྱ་བཏོན་ཏེ།རྫོང་（ཆུས）གི་ཆེད་དོན་སློབ་གསོའི་ཐོན་ཁུངས་ཀྱི་སྟོབས་ཤུགས་གསལ་རྟོགས་བྱས་ཤིང་།ཆེད་དོན་སློབ་གསོའི་སྐུལ་སློང་ཚོགས་འདུ་འཚོགས་པའི་དུས་མཚུངས་སུ།བརྙན་འཕྲིན་སྤྱད་དེ་རྫོང་རིམ་པའི་ལྟ་སྐུལ་ཁྲིད་སྟོན་མི་སྣ་སོ་སོ་ལ་གསོ་སྦྱོང་བྱས་ཏེ།ནུས་ལྡན་གྱིས་ཆེད་དོན་སློབ་གསོ་དེ་“ཆེད་དོན་མིན་པ”དང་།སློབ་སྦྱོང་“གནད་འཁེལ་མིན་པའི”གནས་ཚུལ་སྔོན་འགོག་བྱས་པ་རེད།  །