ཀྲུང་གོའི་བོད་ཀྱི་དྲ་བའི་འཕྲིན། ཉེ་བའི་ལོ་འགའི་རིང་། ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱིས་དུས་དང་རྣམ་པ་ཀུན་ཏུ་གྲངས་ཉུང་མི་རིགས་ཀྱི་ཆེད་ལས་ལག་རྩལ་མི་སྣ་གསོ་སྐྱོང་དང་བེད་སྤྱོད་བྱེད་པ་ནི་མི་རིགས་ས་ཁོངས་རང་སྐྱོང་བཅའ་ཁྲིམས་ལམ་ལུགས་འཐུས་ཚང་དུ་གཏོང་བའི་ལས་འགན་གལ་ཆེན་ཞིག་ཏུ་རྩིས་ཡོད་པ་དང་།  ནུས་ཤུགས་ཡོད་ཚད་བཏོན་ནས་གྲངས་ཉུང་མི་རིགས་ཀྱི་ཆེད་ལས་ལག་རྩལ་མི་སྣ་གསོ་སྐྱོང་བྱས་པ་བརྒྱུད། བྱང་ཚད་མཐོ་བའི་ཆེད་ལས་ལག་རྩལ་མི་སྣའི་དཔུང་ཁག་ཞིག་གསོ་སྐྱོང་བྱས།
སྔར་ལས་ལྷག་པར་ན་གཞོན་དར་མའི་ཆེད་ལས་ལག་རྩལ་མི་སྣ་གསོ་སྐྱོང་བྱས་ཏེ། ཁོ་ཚོ་ནི་ལས་ཀ་ཕྱོགས་ཀྱི་རྐང་འཛིན་དང་ཚན་རྩལ་སྤེལ་བའི་སྣེ་ཁྲིད་པ་རུ་གྱུར་བར་སྐུལ་འདེད་བྱེད་ཆེད།  རྒྱལ་ཁབ་ཀྱིས་ཆེད་ལས་ལག་རྩལ་མི་སྣའི་དཔུང་ཁག་འཛུགས་སྐྲུན་བྱེད་པ་དང་ན་གཞོན་དར་མའི་ཆེད་ལས་ལག་རྩལ་མི་སྣ་གསོ་སྐྱོང་བྱེད་དགོས་པའི་བསམ་འཆར་ལྟར་རང་ཞིང་གིས་ཕུལ་བྱུང་ན་གཞོན་དར་མའི་མཐོ་རིམ་ཆེད་ལས་ལག་རྩལ་མིང་བཏགས་ཞིབ་དཔྱད་ཨུ་ཡོན་ལྷན་ཁང་བཙུགས་པ་དང་། ལོ་རེར་ཞིང་ཆེན་ཡོངས་ཀྱི་ཕུལ་བྱུང་ན་གཞོན་དར་མའི་ཆེད་ལས་ལག་རྩལ་མི་སྣ་ཡུལ་དངོས་སུ་ཞིབ་དཔྱད་བྱེད་ཀྱིན་ཡོད།
བསྡོམས་རྩིས་བྱས་པ་ལྟར་ན། མིག་སྔའི་བར། བདེ་ཆེན་ཁུལ་ཡོངས་སུ་མི7མཐོ་རིམ་ཆེད་ལས་ལག་རྩལ་མི་སྣ་གཞོན་པའི་མིང་བཏགས་ཐོབ་པ་དང་། མི་གཅིག་མཐོ་རིམ་ཆེད་ལས་ལག་རྩལ་མི་སྣའི་མིང་བཏགས་ཐོབ།  །