ཟླ8པའི་ཚེས22ཉིན། བོད་ལྗོངས་ཆབ་མདོའི་ས་ཨུ་ཡིས་ལྷ་སར་གསར་འགྱུར་ཁྱབ་སྒྲོག་ཚོགས་འདུ་བསྡུས་ཤིང་། ཚོགས་ཐོག་ཏུ་ཆབ་མདོའི་ས་ཨུའི་ཧྲུའུ་ཅི་གཞོན་པའམ་སྲིད་འཛིན་ཀུང་ཧྲུའུ་ཆེད་གཉེར་བ་ཨོ་རྒྱན་ཕུན་ཚོགས་ཀྱིས་ཆབ་མདོ་བཅིངས་འགྲོལ་བྱས་ནས་ལོ་ངོ60འཁོར་བའི་རིང་གི་འཕེལ་རྒྱས་དང་གྲུབ་འབྲས་ངོ་སྤྲོད་བྱས་པ་དང་། ཆབ་མདོ་ས་ཨུའི་དྲིལ་སྒྲོག་པུའུ་ཡི་པུའུ་ཀྲང་རྡོ་རྗེ་ཚེ་རིང་གིས་ཆབ་མདོ་བཅིངས་འགྲོལ་བྱས་ནས་ལོ་ངོ60འཁོར་བར་རྟེན་འབྲེལ་ཞུ་བའི་འབྲེལ་ཡོད་བྱེད་སྒོ་གྲ་སྒྲིག་བྱས་པའི་གནས་ཚུལ་ངོ་སྤྲོད་གནང་པ་དང་། ཆབ་མདོ་ས་ཁུལ་གྱི་འབྲེལ་ཡོད་སྡེ་ཁག་གི་འགན་ཁུར་བ་ཁྱབ་སྒྲོག་ཚོགས་འདུར་ཞུགས་པ་མ་ཟད་གསར་འགོད་པའི་དྲི་བར་ལན་བསྐྱོན་པ་རེད།