ཉེ་ཆར།ལྕགས་ཟམ་རྫོང་གིས་གནོད་འགོག་གནོད་སྐྱོབ་ཀྱི་སྦྱོང་བརྡར་ཆེན་པོ་བྱས་ཤིང་རྫོང་དེའི་སྤྱི་བདེ་དང་།མེ་སྐྱོན་འགོག་གསོད།དྲག་ཆས་ཉེན་རྟོག་དཔུང་སྡེ།མི་དམངས་དྲག་ཆས་དཔུང་སྡེ།འཕྲོད་བསྟེན།གློག་འཕྲིན་སོགས་སྡེ་ཁག་གི་མི་གྲངས200ལྷག་དངོས་སྦྱོང་ནང་ཞུགས་ཡོད་པ་རེད།
ཤེས་རྟོགས་བྱུང་བར་གཞིགས་ན།ཐེངས་འདིའི་སྦྱོང་བརྡར་དེ་ཁག་གསུམ་ལ་བགོས་ནས་སྦྱོང་བརྡར་བྱས་པ་རེད།དེའི་ནང་སྦྱོང་བརྡར་བྱེད་ས་གཙོ་བོ་ནི་ཐེན་པ་ཤང་ཐེན་པ་གྲོང་ཚོ་ལ་བཙུགས་པ་དང་།ཡན་ལག་གི་སྦྱོང་བརྡར་བྱེད་ས་ནི་རྫོང་ཨུའི་ཐོག་ཁག་ཆེན་པོའི་སྔོན་དང་ཐེན་པ་ལྟེ་གནས་སློབ་གྲྭར་བཙུགས་པ་རེད།རྫོང་དེའི་རྫོང་ཨུའི་ཐོག་ཁང་ཆེན་པོའི་སྔོན་ལ་གཙོ་བོ་རོགས་སྐྱོབ་མི་སྣ་དུས་ཚོད་དང་པོར་མགྱོགས་མྱུར་རུབ་འཛོམ་གྱི་སྦྱོང་བརྡར་བྱས་པ་དང་།ཐེན་པ་ལྟེ་བའི་སློབ་གྲྭ་རུ་དགེ་སློབ་རྣམས་སྒྲིག་འཛུགས་བྱས་ནས་བྲེལ་མྱུར་གྱིས་གནོད་སྐྱོན་གཡོལ་ཐབས་ཀྱི་སྦྱོང་བརྡར་བྱས་པ་རེད།
ཐེངས་འདིའི་སྦྱོང་བརྡར་ཐོག་གལ་སྲིད་ཤར་གྱི་གཞུང་ཐིག་འཇལ་གྲངས་ལ་ཏུའུ102དང་སྐར་མ12སྐར་ཆ864དང་།འཕྲེད་ཐིག་བྱང་མ་ལ་ཏུའུ29དང་སྐར་མ53སྐར་ཆ348ཀྱི་ཐོག་ཐེན་པ་ཤང་སྲིད་གཞུང་གི་ས་ཁུལ་ནང་རིམ་པ6.0ལྡན་པའི་ས་འགུལ་གྱི་གནོད་སྐྱོན་ཚབས་ཆེན་བུད་ཡོད་རྒྱུའི་དབང་དུ་བཏང་ནས།ས་འགུལ་བྱུང་རྗེས་རྫོང་དེས༼ལྕགས་ཟམ་རྫོང་གི་ས་འགུལ་གྱི་བབ་བསྟུན་མྱུར་སྐྱོབ་ཀྱི་གྲབས་གཤོམ་ཇུས་གཞི༽ལྟར་བྲེལ་མྱུར་གྱིས་གནོད་སྐྱོན་གཡོལ་ཐབས་དང་གནོད་སྐྱོན་ཐེབས་ཁུལ་གྱི་མང་ཚོགས་ཁ་འགྲེམ་པ་དང་གནས་སྤོ་བ།རོགས་སྐྱོབ་མི་སྣ་དུས་ཚོད་དང་པོར་མགྱོགས་མྱུར་རུབ་འཛོམ་བྱེད་པ་དང་ཉེན་ཁ་མྱུར་སྐྱོབ་དང་།སྨན་བཅོས་སྲོག་སྐྱོབ།འཕྲོད་བསྟེན་རིམས་འགོགགཞུང་ལམ་མྱུར་དུ་གཏོང་ཐུབ་རྒྱུར་ཁག་ཐེགབབ་བསྟུན་ཆ་འཕྲིན་གློག་ནུས་འགན་ལེན།ཆུ་འདོན་སྤྲོད་བྱ་རྒྱུ་འགན་ལེན།གནས་སྐབས་སྡོད་ས་བཀོད་སྒྲིགདྲིལ་བསྒྲགས་སྤེལ་གཏོང་།བབ་བསྟུན་བཀོད་འདོམས་སོགས་ནང་དོན་བཅུ་སྐོར་གྱི་སྦྱོང་བརྡར་བྱས་པ་རེད།