ཉེ་ཆར།རྒྱལ་སྲིད་སྤྱི་ཁྱབ་ཁང་གིས་གསར་དུ་འཛུགས་པའི་རྒྱལ་ཁབ་རིམ་པའི་རང་བྱུང་སྲུང་སྐྱོང་ས་ཁུལ་28ལ་ཞིབ་བཤེར་གཏན་འབེབས་བྱས་པ་དང་།ཉག་ཆུ་རྫོང་གི་དགེ་བཤེས་ལུང་པའི་རང་བྱུང་སྲུང་སྐྱོང་ཡང་དེའི་གྲས་སུ་བཞག་ནས་སྲུང་སྐྱོང་སུ་ཁུལ་དེ་རྒྱལ་ཁབ་རིམ་པའི་རང་བྱུང་སྲུང་སྐྱོང་ས་ཁུལ་གྱི་རིམ་པ་རུ་སྤར་བ་མཚོན་གྱི་ཡོད།རྒྱལ་ཁབ་རིམ་པའི་སྲུང་སྐྱོང་ས་ཁུལ་དགེ་བཤེས་ལུང་པ་དེ་རང་ཁུལ་གྱི་ཉག་ཆུ་རྫོང་གི་མངའ་ཁོངས་སུ་ཆགས་ཡོད་པ་དང་།གཞི་ཁྱོན་སྤྱི་ཆིན22896.8ཡོད་པ་དེ་སི་ཁྲོན་ཀྱི་ཀྲི་ཁྲུན་སོགས་དཀོན་ཞིང་རྩ་ཆེ་བའི་རི་སྐྱེས་བྱ་རིགས་སྲུང་སྐྱོང་བྱ་ཡུལ་གཙོ་བོ་བྱས་པའི་རི་སྐྱེས་སྲོག་ཆགས་དང་ནགས་ཚལ་སྐྱེ་ཁམས་མ་ལག་རིགས་ཀྱི་རང་བྱུང་སྲུང་སྐྱོང་ས་ཁུལ་ཡིན།སྲུང་སྐྱོང་ས་ཁུལ་དེ་1993ལོ་འཛུགས་གཉེར་བྱས་པ་དང་1995ལོར་ཁུལ་མི་དམངས་སྲིད་གཞུང་གིས་ཆོག་མཆན་ཐོབ་པར་བརྒྱུད་ནས་ཁུལ་རིམ་པའི་རང་བྱུང་སྲུང་སྐྱོང་ས་ཁུལ་དུ་གྱུར་པ་དང་།2003ལོར་ཞིང་ཆེན་མི་དམངས་སྲིད་གཞུང་གི་ཆོག་མཆན་ཐོབ་པར་བརྒྱུད་ནས་ཞིང་ཆེན་རང་བྱུང་སྲུང་སྐྱོང་ས་ཁུལ་དུ་གྱུར་པ་རེད།སྲུང་སྐྱོང་ས་ཁུལ་དེ་རྒྱལ་ཁབ་རིམ་པའི་སྲུང་སྐྱོང་ས་ཁུལ་གྱི་རིམ་པར་སྤར་རྗེས།སྔར་ལྷག་གིས་ཡུལ་དེ་གའི་རང་བྱུང་ཐོན་ཁུངས་དང་སྐྱེ་ཁམས་མ་ལག་སྲུང་སྐྱོང་དང་། ཉམས་གསོ། བསྐྱར་བསྐྲུན་བཅས་བྱ་རྒྱུར་སྐུལ་འདེད་བཏང་བ་དང་། སྔར་ལྷག་གིས་སྲུང་སྐྱོང་ས་ཁུལ་གྱི་སྲུང་སྐྱོང་དོ་དམ་གྱི་ཆུ་ཚད་དང་ཚན་རིག་ཞིབ་འཇུག་གི་ལྟ་སྐུལ་ཚད་ལེན་གྱི་ནུས་པ་མཐོར་འདེགས་བཏང་ནས།སྐྱེ་ཁམས་རིག་གནས་འཛུགས་སྐྲུན་དང་འབྲི་ཆུའི་སྟོད་རྒྱུད་ལ་སྔོ་ལྗང་སྐྱེ་ཁམས་ཀྱི་སྲུང་ཡོལ་འཛུགས་སྐྲུན་བྱ་རྒྱུ་སོགས་ཐད་ལ་ནུས་པ་གལ་ཆེན་ཐོན་ཡོད།